Zaınýtdınov qyrkúıek aıyndaǵy qurama oıyndaryna qatyspaıdy

ASTANA. KAZINFORM - Baqtıer Zaınýtdınovtiń fýtboldan Qazaqstan quramasynyń 2026 jylǵy álem chempıonaty irikteý kezeńindegi aldaǵy eki oıynyna qatysa almaıtyny belgili boldy.

J tobynda synǵa túsip jatqan ulttyq qurama 4 qyrkúıekte elordada Ýelspen jasyl alańǵa shyqsa, 7 qyrkúıekte syrt alańda Belgııamen sheberlik baıqasady.

Reseılik «Dınamo» (Máskeý) klýbynda oınaıtyn Bahtıer alǵan jaraqatyna baılanysty bul oıyndardan shet qalyp otyr. 

Qazir qazaqstandyq fýtbolshylar Astana qalasynda oqý-jattyǵý jıynyn ótkizip jatyr. Oǵan Reseıdiń «Zenıt» klýbynyń qorǵaýshysy Nuraly Álip pen «Ahmat» klýbynyń shabýylshysy Maksım Samorodov kelip qosyldy.

Sondaı-aq Chempıondar lıgasy negizgi kezeńine joldama alǵan almatylyq «Qaırat» komandasynyń Qazaqstan Premer-lıgasy 22-týrdaǵy «Oqjetpespen» oıynnan keıin Dastan Sátpaev, Damır Qasabolat, Temirlan Anarbekov ulttyq qurama sapyn tolyqtyrdy. 

Eske salsaq, budan buryn Ýels quramasy Qazaqstanǵa qarsy quramyn jarııalady.