Zarına Dııas álemdik reıtıngide birden 109 orynǵa joǵary kóterildi

ASTANA. KAZINFORM – Áıelder tennıs qaýymdastyǵy (WTA) jekeleı jáne juptyq synda jańartylǵan reıtıngini jarııa etti. Qazaqstandyqtardan reıtıngide erekshe nátıje kórsetken Zarına Dııas boldy.

Keshe Túrkııadaǵy Kaıserı týrnıriniń chempıony atanǵan Zarına 488-den birden 109 satyǵa joǵarylap, 379-orynǵa ornyqty. Óziniń sporttyq jolyndaǵy úzdik kórsetkishine (31) áli alys bolǵanymen, qazaqstandyq tennısshi reıtıngide kóterilip keledi.

«Bul jeńis men úshin mańyzdy. Eki jyldyq úzilisten keıin qaıta oralyp, alǵashqy jeńisime qol jetkizdim. Qoldaý kórsetken barlyq jankúıerge rahmet», - dep jazdy Zarına Dııas Túrkııada úzdik shyqqannan keıin Instagramdaǵy paraqshasynda.

Qazaqstannyń birinshi raketkasy Elena Rybakına 5-orynda qalsa, ıÝlııa Pýtıntseva 32-den 29-ǵa aýysyp, qaıtadan TOP-30-ǵa kirdi.

Belarýs ókili Arına Sobolenko polıak qyzy Iga Shventekti yǵystyryp, álemdik reıtıngide kósh bastady. Amerıkalyq Korı Gaýff úzdik úshtikte tur.

Juptyq synda chehııalyq Katerjına Sınıakova, jańazelandııalyq Erın Rýtlıff jáne ýkraınalyq Lıýdmıla Kıchenok alda keledi.

Qazaqstannyń birinshi raketkasy Anna Danılına 22-den 23-ke syrǵysa, ıÝlııa Pýtıntseva 111-den 110-ǵa shyqty.

Eske sala keteıik, budan buryn Zarına Dııastyń kambek jasap, Túrkııadaǵy týrnırdiń chempıony atanǵanyn jazǵan bolatynbyz.