Zańsyz ań aýlaǵan jambyldyq 1,6 jylǵa sottaldy
Jambyl oblysynyń Moıynqum aýdandyq polıtsııa bóliminiń qyzmetkerleri qum óńirinde jabaıy ańdardy zańsyz aýlap júrgen Moıynqum aýdanynyń turǵynyn ustady.
Kúdiktiniń júrgizýindegi «Ýral» mototsıklin qaraý barysynda onyń arbasynda atylǵan jabaıy qaban, tirkelmegen 16 kalıbrli tegis uńǵyly myltyq jáne pyshaq alyndy.
«Atalǵan derek boıynsha Qazaqstan Respýblıkasy Qylmystyq kodeksiniń 337-baby 1-bóligi, ıaǵnı «Zańsyz ań aýlaý» jáne QR Qylmystyq kodeksiniń 287-baby 1-bóligi – «Qarýdy zańsyz alyp júrý» boıynsha sotqa deıingi tergep-tekserý isi júrgizildi. Tergep-tekserý isi boıynsha barlyq qajetti sot-saraptamalary jasalyp, dáleldemeler jınaldy, qylmystyq is aıyptaý aktisimen sotqa joldandy», - delingen oblystyq polıtsııa departamentiniń baspasóz qyzómetiniń habarlamasynda.
Sot talqylaýynyń qorytyndysymen aıyptalýshy kináli dep tanylyp, 1 jyl 6 aıǵa bas bostandyǵyn shekteý túrindegi jazaǵa tartyldy. Sondaı-aq eki jyl merzimge ań aýlaýmen aınalysý quqyǵynan aıyryldy.