Zańsyz aınalymnan 27 tonna esirtki tárkilendi — ІІM

ASTANA. KAZINFORM — «Qarasora-2025» respýblıkalyq operatsııasynyń nátıjesin shyǵardy. Bul týraly Polisia.kz jazdy.

— Aýqymdy shara esirtkiniń zańsyz aınalymyna qarsy baǵyttalǵan. Oǵan maýsym — qazan aılary aralyǵynda polıtsııa, Іshki ister mınıstrligi Ulttyq ulanynyń jáne Qorǵanyc mınıstrliginiń qyzmetkerleri qatysty. Tikushaqtar, drondar jáne spýtnık koordınatalary jumyldyryldy, — delingen habarlamada.

Jalpy:

— 3,5 myń esirtki quqyq buzýshylyǵy anyqtaldy,

— 27 tonnadan astam esirtki tárkilendi,

— quramynda esirtkisi bar ósimdikterdiń 110 myńnan astam butalary joıyldy,

— 4 uıymdasqan qylmystyq top, onyń ishinde bir transulttyq top quryqtaldy,

— 6 esirtki zerthanasy joıyldy.

Vedomstvonyń málimetinshe, esirtki jetkizýdiń 50 ishki arnasy jabylǵan.

Máselen, Jambyl oblysynda 200 kılogramnan astam marıhýana tárkilendi. Almaty áýejaıynda Úndistan azamaty anyqtaldy. Ol elge 3 keli marıhýanany alyp kirmek bolǵan. Jezqazǵanda 100 keli marıhýana tárkilendi. Qyzylorda oblysynda salmaǵy 300 keli bolatyn 928 túp qarasora anyqtaldy.

«Zań men tártip» qaǵıdatyn iske asyrý aıasynda esirtki qylmysyna qarsy is-qımyl komıteti azamattardyń densaýlyǵyn qorǵaý jáne qoǵamdyq qaýipsizdikti nyǵaıtý boıynsha júıeli jumysty jalǵastyrady. 

Aıta keteıik, buǵan deıin Qaraǵandy oblysynda 900 keliden astam esirtki tárkilendi.