Zańger Áltaevty prezıdenttikke usyný hattamasynyń jaramsyz dep tanylýyna pikir bildirdi

ASTANA. QazAqparat – Zań ǵylymdarynyń doktory, professor Indıra Áýbákirova sottyń «Muqalmas» respýblıkalyq qoǵamdyq birlestigi otyrysynyń Nurjan Áltaevti prezıdenttikke kandıdat etip usyný týraly hattamasyn jaramsyz dep taný sheshimine qatysty pikir bildirdi, dep habarlaıdy QazAqparat tilshisi.

«Óte ádil sheshim. Dálel bazasy esh kúmán keltirmeıdi. Olar Áltaev usynyldy delingen «Muqalmas» RQB otyrysynyń vıdeosyn usynǵan bolatyn. Іs júzinde, bul jaıt jazbada jazylǵan. Basym kópshiligi Áltaevtyń usynylýyna qarsy shyqqan», - dedi Indıra Áýbákirova QazAqparat tilshisine telefon arqyly.

Eske salsaq, Ortalyq saılaý komıssııasy 7 qazan kúni prezıdenttikke úmitker retinde usynylǵan Nurjan Áltaevtiń qujattary burmalaný faktisine tekserilip jatqanyn málim etken edi.

Al 12 qazanda «Muqalmas» birlestigi Nurjan Áltaevtyń saılaýǵa túsýine qarsylyq bildirip sotqa júgingeni habarlandy.

Búgin Astana soty «Muqalmas» respýblıkalyq qoǵamdyq birlestigi otyrysynyń Nurjan Áltaevti prezıdenttik kandıdat etip usyný týraly hattamasyn jaramsyz dep taný týraly talapty qanaǵattandyrdy.