Zańǵar Nurlanuly Shymkenttegi týrnırdiń chempıony atandy

ShYMKENT. KAZINFORM - Shymkent qalasynda jasóspirimder arasynda Shymkent Open ITF Juniors týrnıri máresine jetti.

Jasóspirimder arasynda álemdik reıtıngide 149-orynda turǵan qazaqstandyq Zańǵar Nurlanuly fınalda serbııalyq Nıkola Iovıchpen (95 ITF Juniors) chempıondyq ataqty sarapqa saldy.

Birinshi partııada esep 5:4 bolyp, serbııalyq tennısshi setke dop bergende, Zańǵar tarazy basyn teńestirip qana qoımaı, partııany óz esebine jazdy - 7:5.

Ekinshisinde Zańǵar Nurlanuly aıqyn basymdylyq tanytty - 6:1.

Qazaqstandyq tennısshi týrnır barysynda álemdik reıtıngide ózinen joǵary turǵan sportshylardy, al shırek fınalda jarystyń birinshi raketkasyn tize búktirdi.

Bul - Zańǵardyń jekeleı synda ITF Juniors dodalaryndaǵy tórtinshi tıtýly. Budan buryn ol Izmırde (J100), Túrkııada (J30) jáne Trnavada (J30) jeńiske jetken edi.

Eske sala keteıik, budan buryn Zańǵar Nurlanulynyń Shymkentte halyqaralyq týrnırdiń fınalyna shyqqanyn jazǵan bolatynbyz.

Sondaı-aq Anna Danılına Qytaıda jarystyń 1-raketkasyn utyp, jartylaı fınalǵa shyqty.