Zań jobalaryna ǵylymı saraptama jasaý tártibi ózgerýi múmkin

NUR-SULTAN. QazAqparat – Zań jobalaryna ǵylymı quqyqtyq saraptama júrgizý tártibi qaıta qaralady. Bul týraly búgin Úkimet úıindegi baspasóz máslıhatynda QR Ádilet mınıstri Marat Beketaev aıtty, dep habarlaıdy QazAqparat tilshisi.

«Zań jobalaryna ǵylymı quqyqtyq saraptama júrgizý tártibin qaıta qaraý usynylady. Ǵylymı quqyqtyq saraptama qoǵam men memlekettiń qazirgi jaǵdaıy men damý perspektıvalaryna jaýap beretin jobalardy daıyndaý mindetin sheshýi tıis. Alaıda, zań jobalaryna ǵylymı saraptama júrgizýdiń qoldanystaǵy tártibi qolda bar ǵylymı áleýetti tolyq kólemde paıdalanbaıdy. Sondyqtan ǵylymı saraptama daıyndaýǵa qazirgideı bir ǵylymı uıymnyń qatysýynyń ornyna úlken sarapshylardyń tizimin qalyptastyrý usynylady», - dedi Marat Beketaev.

ıAǵnı, onyń aıtýynsha, bir uıymnyń ǵylymı resýrstarymen shektelip qoımaı, osy protseske tıisti bilimi bar eldegi barlyq ǵylymı sarapshylardyń qatysýy úshin jaǵdaı jasaý kózdeledi.

«Ol úshin ǵylymı quqyqtyq saraptamanyń úılestirýshisi retinde Zańnama jáne quqyqtyq aqparat ınstıtýty júrgizetin ǵylymı sarapshylardyń tizimin qurý usynylady. Ǵylymı saraptamalardy júrgizýdiń tıimdiligi men ashyqtyǵy aqparattyq júıemen qamtamasyz etiletin bolady. Bul júıe saraptama júrgizýdiń barlyq protsesin retteıdi. Atap aıtqanda, ǵylymı sarapshylardyń elektrondyq tizimin, olardyń reıtıng júrgizýin, sonymen qatar qorytyndylardyń elektrondyq bazasyn qarastyrady. Júıe ǵylymı quuqyqtyq saraptama júrgizý merzimderiniń saqtalýyn qamtamasyz etedi», - dedi mınıstr.