«Zaǵıptar qazaqsha aqparatqa muqtaj» - baspasózge sholý
***
«Egemen Qazaqstan» basylymynda «Bes qurlyqtyń ortaq belesi» atty kólemdi maqala berilgen. Keshe Astanadaǵy «Redısson» qonaqúıinde óz jumysyn bastaǵan ıÝNESKO isteri jónindegi Ulttyq komıssııalardyń birinshi óńiraralyq keńesi Arab memleketteri, Azııa jáne Tynyq muhıty, Eýropa jáne Soltústik Amerıka, Latyn Amerıkasy men Karıb basseıni ókilderiniń basyn qosýymen álemdegi eń aıtýly ári aýqymdy forýmdar sanatyna enip otyr. Keńes aıasynda segiz qazaqstandyq nysannyń (Almaty oblysyndaǵy Qaıalyq, Qaramergen, Talǵar jáne Jambyl oblysyndaǵy Aqtóbe-Stepnınskoe, Aqyrtas, Qulan, Qostóbe, Órnek) Qyrǵyzstan jáne Qytaı taraptarymen birge daıyndalǵan «Uly Jibek joly: Jibek jolynyń bastapqy bóligi, Tıan-Shan dálizi baǵyttarynyń júıesi» jónindegi serııalyq transshekaralyq nomınatsııasynyń ıÝNESKO Búkilálemdik mura tizimine engizilýine, sonymen qatar, eki qazaqstandyq tabıǵı rezervattardyń «Katonqaraǵaı» memlekettik ulttyq tabıǵı parki men «Aqjaıyq» bıosferalyq aýmaǵynyń ıÝNESKO Búkilálemdik bıosferalyq rezervattar júıesine engizilýine baılanysty arnaıy sertıfıkattar tabystaldy.
Osy gazette «Ulttyq Bank jańa tujyrymdama usyndy» degen maqala jarııalandy. Keshe Ortalyq kommýnıkatsııalar qyzmetinde Ulttyq Banktiń tóraǵasy Qaırat Kelimbetov brıfıng ótkizdi. Ol Úkimet úıinde Memleket basshysynyń tapsyrmasyna oraı qarjy sektoryn damytýdyń 2030 jylǵa deıingi tujyrymdamasy talqylanǵany jóninde aıtty. Ulttyq Bank tóraǵasy qazirgi tańda elimizdegi qarjy sektory jaqsy damyp kele jatqandyǵy týraly málimetter keltirip, salany damytýdyń 2030 jylǵa deıingi tujyrymdamasy «Qazaqstan-2050» Strategııasyn iske asyrý sheńberindegi uzaq merzimdi josparlaýdaǵy elementterdiń biri bolyp tabylatyndyǵyn jetkizdi. Sóıtip strategııanyń qarjy sektorynyń uzaq merzimdi perspektıvada erkin damýyn aıǵaqtaıtyn mindetteriniń biri - ınflıatsııa deńgeıin ekonomıkanyń ósýi úshin qolaıly deńgeıde ustap turý ekendigine nazar aýdartty.
***
«Aıqyn» basylymynyń jazýynsha, kózi nashar kóretin jáne múlde kórmeıtin qazaqstandyqtar Premer-Mınıstr Kárim Másimovke, Eńbek jáne halyqty áleýmettik qorǵaý mınıstri Tamara Dúısenovaǵa, Mádenıet mınıstri Arystanbek Muhamedıulyna, Kólik jáne kommýnıkatsııa mınıstri Jeńis Qasymbekke ashyq hat joldap, ǵalamtorda qazaq tilindegi aqparattyń qoljetimdiligin qamtamasyz etýdi surady. «Sizderden kózi kórmeıtin jáne nashar kóretin adamdar úshin elektrondy resýrstarda qazaq tilindegi aqparatqa qol jetkizý sharalaryn shuǵyl arada qabyldap, ony qamtamasyz etýlerińizdi suraımyz! Ol úshin Jaws, Voice over jáne basqa da baǵdarlamalar negizinde qazaq tilinde sóıleý sıntezatory baǵdarlamasyn jasap shyǵarý qajet. Qazaq tilindegi sóıleý sıntezatory baǵdarlamalaryn júkteý men paıdalaný barlyq zaǵıptar úshin ashyq jáne tegin bolýy tıis», - deıdi ashyq hat ıeleri. Bul maqala «Zaǵıptar qazaqsha aqparatqa muqtaj» degen taqyryppen basyldy.
Osy gazette «ıAdrolyq energetıka bankıngi qashan qurylady» degen maqala kópshilik nazaryna usynylyp otyr. Ultymyzdyń Kóshbasshysy Nursultan Nazarbaevtyń Qazaqstanda halyqaralyq ıadrolyq energetıka bankıngin qurý týraly usynysyn halyqaralyq MAGATE agenttigi de, azýy alty qarys AQSh basshylyǵy da tolyq qýattap, qoldaǵan bolatyn. Taıaýda dúnıejúzilik energetıkalyq uıym osy bankıngti qurý týraly Qazaqstan men MAGATE jumysynyń tym sylbyrlyǵyn synady.
«Bizdińshe, bul oryndy syn. Shyn máninde, bizdiki ne jaıbasarlyq? Birinshiden, halyqaralyq ıadrolyq energetıka bankıngi - kóregen Kóshbasshymyz oılaǵanyndaı, ómirsheń jáne asa paıdaly joba. Basqasyn bylaı qoıǵanda, ıadrolyq otyn bankıngi bar eldiń beıbitshiligi men tynyshtyǵyna búkil álem janashyr bolady. Ekinshiden, óndirgen ónimimizdiń álemdik rynokta ótimi tolassyz jáne senimdi. Úshinshiden, biz halyqaralyq qaýymdastyqtar men AQSh, Qytaı, Japonııa, Frantsııa, Kanada jáne basqa ıadrolyq otynymyzdy paıdalanatyn elderdiń qamqorlyǵynda bolamyz. Tórtinshiden, dúnıejúzinde qandaı daǵdarys bolsa da, ıadrolyq otyn eksporty senimdi valıýtalyq kiris kózi. Mundaǵy qosymsha qun, tipti avtokólik óndirisi salasyndaǵy qosymsha qunnan da joǵary. Osyny bile turyp, jaıbasarlyq jasaýǵa bola ma? Árıne, joq»,-dep jazady basylym.
*** Soltústik Qazaqstan oblysynda Ýkraınanyń Lýgansk oblysy Artemov qalasynan eki balasymen kelgen Svetlana Rezvınskaıany shekarany zańsyz qıyp ótkeni úshin jaýapkershilikke tartqan joq, dep jazady «Vremıa» gazeti «Doroga vedet v Kıev» atty materıalda.
Aldaǵy aptada ol Astanadaǵy Ýkraına elshiligine baryp, tıisti qujattardy alýǵa nıettenip otyr. Osydan keıin ol Ýkraınaǵa oralmaq.
