ıÝrıı Ilın sý tasqyny qaýpi joǵary óńirlerdi atady

ASTANA. QazAqparat – Elimizdiń 13 óńirinde sý tasqyny qaýpi óte joǵary. Bul týraly búgin Úkimet otyrysynda Tótenshe jaǵdaılar mınıstri ıÝrıı Ilın málim etti, dep habarlaıdy QazAqparat tilshisi.

«Tótenshe jaǵdaılar mınıstrligi eldi mekenderdi sý tasqynynan qorǵaýǵa erekshe nazar aýdarady. Barlyǵy biletindeı, bul tabıǵı protsess qaıtymsyz jáne únemi aldyn alý sharalaryn qajet etedi. Qardaǵy sý qorynyń mólsherin, topyraqtyń kúzgi ylǵaldylyǵyn, onyń qatý tereńdigin taldaı otyryp, sondaı-aq qar astynda muz qabyǵynyń bolýyn eskerip, sý tasqyny qaýpi bar aımaqtar táýekel dárejesine qaraı bólinedi. Táýekelderi joǵary óńirlerge Aqmola, Aqtóbe, Almaty, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanaı, Soltústik Qazaqstan, Túrkistan oblystary jáne Abaı, Jetisý oblystary jatady», - dedi mınıstr.

Onyń dereginshe, ortasha táýekelderge Pavlodar jáne Ulytaý oblystary kiredi.

«Búgingi tańda sý basý qaýpi aımaǵynda 255 eldi meken bar. olarda 127 myńnan astam úı jáne 700 myńnan astam azamat qalyp otyr. Ótken jylǵy sý tasqynynyń ótýin taldaý qorytyndysy sý basýdyń negizgi sebepteri ózen arnalarynyń tolyp ketýi men baldyrlanýy, drenajdyq-aryq júıeleriniń bolmaýy, sý qorǵaý beldeýlerinde úıler salý ekenin kórsetti», - dedi ol.