ıÝrıı Gagarınniń 85 jyldyǵyna oraı estelik aktsııa ótti

ASTANA. QazAqparat - Búgin ıÝrıı Gagarınge 85 jyl tolatyn edi. Osy kúni qalyń kópshilik álemniń kóptegen qalalaryna ornatylǵan tuńǵysh ǵaryshkerdiń eskertkishine gúl shoqtaryn qoıdy, dep habarlaıdy QazAqparat.

Baıqońyr qalasynyń turǵyndary men qonaqtary Gagarınniń eskertkishi qoıylǵan skverge jınalyp, ǵaryshkerdi eske aldy.

ıÝrıı Gagarın jerlengen jerge gúl qoıý sltanatty rásimi Máskeý qalasynda da ótti. Atalmysh sharaǵa bılik ókilderi, «Roskosmos» memlekettik korporatsııasynyń, zymyrandy ǵarysh salasyndaǵy kásiporyndardyń qyzmetkerleri men ardagerleri qatysty, dep habarlady Rokosmos uıymynyń baspasóz qyzmeti.

Al áleýmettik jelide «Gagarınmen birge ǵaryshqa» (V kosmos s Gagarınym) atty eske alý aktsııasy jarııalandy. Onda jeli qoldanýshylary Gagarınniń eskertkishi men onyń atyndaǵy kóshelerdiń, sondaı-aq ózge de materıaldardyń sýretterin jarııalap jatyr.

Al jarty ǵasyrdan beri ǵaryshkerlerdi daıyndap kele jatqan Gagarın atyndaǵy ortalyq tuńǵysh ǵaryshkerdiń 85 jyldyǵyna oraı Gagarın týraly estelikter men sırek sýretterdi jarııalap jatyr.