ıÝlııa Pýtıntseva Taılandtaǵy týrnırdiń ekinshi aınalymyna shyqty

ASTANA. KAZINFORM – Qazaqstandyq, álemniń 70-raketkasy ıÝlııa Pýtıntseva Hýahın (Taıland) WTA 250 týrnıriniń ekinshi aınalymyna shyqty.

Jarystyń 7-raketkasy bolyp tirkelgen qazaqstandyq tennısshi bastapqy kezdesýin álemdik reıtıngide 406-orynda turǵan taılandtyq Thasaporn Naklomen ótkizdi.

Birinshi partııada Pýtıntseva 4:0 esebimen alǵa ketkenimen, taılandtyq tennısshi qatarynan bes geımdi óz esebine jazdy – 7:5.

Ekinshi setti ıÝlııa sátti aıaqtaı aldy – 6:3.

Úshinshi, sheshýshi partııada qazaqstandyq tennısshi 3:0 esebimen alǵa shyǵyp, sol basymdylyqty bergen joq – 6:2.

Eki saǵat 22 mınýtqa sozylǵan tartysty báseke barysynda Pýtıntseva 2 eıs jasap, 13 breık-poınttyń 8-in qur jibergen joq. T.Naklo 3 eıs, 5 breıkpen (11 breık-poınt) shekteldi.

ıÝlııa Pýtıntseva shırek fınalǵa shyǵý úshin reıtıngide ózinen bir saty tómen turǵan shveıtsarııalyq Vıktorııa Golýbıchpen talasady. Ol álemniń 114-raketkasy, brazılııalyq Laýra Pıgossıdi oısyrata utty – 6:1, 6:2.

Eske sala keteıik, budan buryn Aýstralııa chempıonatynda Elena Rybakınanyń matchy úzdikter qataryna engizilgenin jazǵan edik.

Sondaı-aq jas tennısshi Ámir Omarhanov álemdik reıtıngide rekordtyq kórsetkishke qol jetkizdi.