ıÝlııa Pýtıntseva Qytaıdaǵy jarystyń shırek fınalyna joldama aldy

ASTANA. KAZINFORM – Qazaqstannyń ekinshi, álemniń 32-raketkasy ıÝlııa Pýtıntseva Nınbo (Qytaı) WTA 500 týrnıriniń shırek fınalyna shyqty.

Qazaqstandyq tennısshi ekinshi aınalymda dúnıejúzilik reıtıngide 121-orynda turǵan 19 jastaǵy germanııalyq Ella Zaıdeldi synap kórdi.

ıÝlııa birinshi partııada 5:1 esebimen alǵa ketti. Budan keıin Zaıdel esepti qysqartqanymen, Pýtıntseva degenine jetti – 6:4.

Ekinshi sette de osyndaı esep tirkeldi – 6:4.

Saǵat jarymnan astam ýaqytqa sozylǵan báseke barysynda qazaqstandyq tennısshi 7 eıspen birge 9 breık-poınttyń tórteýin paıdalandy. Zaıdel 1 eıs, 2 breıkpen (5 breık-poınt) shekteldi.

ıÝlııa Pýtıntseva jartylaı fınalǵa shyǵý úshin álemniń 11-raketkasy, reseılik Darıa Kasatkına nemese reıtıngide 42-oryndaǵy chehııalyq Katerjına Sınıakovanyń qaı jeńgenimen talasady.

Qazaqstandyq tennısshi qazirgi kezde WTA Live reıtıngisinde 26-satyǵa kóterilip tur.

Eske sala keteıik, budan buryn Almaty týrnırinde Aleksandr Shevchenkonyń Mıhaıl Kýkýshkındi utqanyn jazǵan bolatynbyz.