ıÝlııa Pýtıntseva Qytaıdaǵy týrnırde Olımpıada júldegerin jeńdi

ASTANA. KAZINFORM – Qazaqstannyń ekinshi, álemniń 35-raketkasy ıÝlııa Pýtıntseva Ýhan (Qytaı) WTA 1000 týrnıriniń úshinshi aınalymyna shyqty. 

Qazaqstandyq tennısshi ekinshi aınalymda álemniń 18-raketkasy, Parıj Olımpıadasynyń kúmis júldegeri, horvatııalyq Donna Vekıchpen betpe-bet keldi. Birinshi partııada Pýtıntseva 6:4 esebimen basym tústi. Ekinshisinde Vekıch ese qaıyrdy – 6:3.

Úshinshi, sheshýshi sette ıÝlııa esep 5:3 bolǵanda, matchqa dop bergenimen, ol múmkindigin paıdalana almady. Degenmen oıyndy taǵy bir breıkpen túıindedi – 6:4.

Eki saǵat jarym ýaqytqa sozylǵan tartysty báseke barysynda Pýtıntseva 1 eıspen birge 16 breık-poınttyń jeteýin óz esebine jazdy. Vekıch 2 eıs, 6 breıkpen (14 breık-poınt) kózge tústi. 

ıÝlııa Pýtıntseva shırek fınalǵa shyǵý úshin álemniń ekinshi, osy jarystyń 1-raketkasy, Belarýs ókili Arına Sobolenko nemese reıtıngide 37-satydaǵy chehııalyq Katerjına Sınıakovanyń qaı jeńgenimen talasady. 

Eske sala keteıik, budan buryn Qytaıdaǵy týrnırdiń qazaqstandyq tennısshiler úshin sátti bastalǵanyn jazǵan bolatynbyz.