ıÝlııa Pýtıntseva Dohadaǵy iri jarysty jeńispen bastady

ASTANA. KAZINFORM — Qazaqstannyń ekinshi, álemniń 20-raketkasy ıÝlııa Pýtıntseva Doha (Qatar) WTA 1000 týrnıriniń ekinshi aınalymyna ótti.

«Úlken dýlyǵadan» keıingi iri jarystyń biri bolyp esepteletin Doha dodasynda qazaqstandyq tennısshi bastapqy kezdesýin álemniń 63-raketkasy, japonııalyq Moıýka Ýchıjımamen ótkizdi. 

Birinshi partııada Pýtıntseva 3:0 esebimen alǵa shyqty. Sosyn taǵy bir breıkpen támamdady — 6:2.

Ekinshisinde esesine esep 2:2 bolǵan mezette japonııalyq sportshy breık jasap ketti. ıÝlııa esepti teńestirgenimen, qarsylasynyń taǵy bir breık jasaýyna múmkindik berip qoıdy — 4:5. Degenmen tarazy basy qaıta teńesti — 5:5. Taı-breıkte Ýchıjıma sátti oınady — 7:6 (7:5).

Úshinshi, sheshýshi setti Pýtıntseva 3:0 esebimen sátti bastaǵanymen, Moıýka da baryn saldy — 3:3. ıÝlııa qaıtadan breık jasap, esepti 5:3-ke jetkizdi. Sosyn matchty breıkpen túıindedi — 6:3.

Eki saǵat jarym ýaqytqa sozylǵan tartysty báseke barysynda Pýtıntseva 2 eıspen birge 14 breık-poınttyń segizin múlt jibermedi. Ýchıjıma 2 eıs jasap, 7 breık-poınttyń tórteýin paıdalandy. 

ıÝ.Pýtıntseva júlde qory 3,6 mln AQSh dollarynan asatyn jarystyń 1/8 fınalyna shyǵý úshin reıtıngide 33-orynda turǵan chehııalyq, 20 jastaǵy Lında Noskovamen talasady. Ol alǵashqy aınalymda álemniń 19-raketkasy, horvatııalyq Donna Vekıchtiń mysyn basty — 6:2, 6:4.

Bir qyzyǵy, ıÝ.Pýtıntseva juptyq synda L.Noskovamen birge alǵashqy matchynda norvegııalyq Ýlrıkke Eıkerı — rýmynııalyq Monıka Nıkýleskýge jol berdi — 4:6, 4:6.

Doha týrnırin ekinshi aınalymnan bastaıtyn Qazaqstannyń birinshi, álemniń 7-raketkasy Elena Rybakınanyń qarsylasy keıin anyqtalady. 

Eske sala keteıik, budan buryn ıÝlııa Pýtıntsevanyń álemdik reıtıngide TOP-20-ǵa qaıta kirgenin jazǵan edik.

Sondaı-aq Tımofeı Skatov Nıý-Delı týrnıriniń ekinshi aınalymyna shyqty.