ıÝlııa Pýtıntseva Adelaıdada Olımpıadanyń kúmis júldegerin jeńdi

ASTANA. KAZINFORM – Qazaqstandyq tennısshi ıÝlııa Pýtıntseva Adelaıda (Aýstralııa) WTA 500 týrnırin jeńispen bastady.

Qazaqstandyq tennısshi alǵashqy aınalymda álemniń 19-raketkasy, Parıj Olımpıadasynyń kúmis júldegeri, horvatııalyq Donna Vekıchti 6:2, 6:3 esebimen tize búktirdi.

Bir saǵat 32 mınýtqa sozylǵan báseke barysynda Pýtıntseva 4 eıspen birge 9 breık-poınttyń beseýin paıdalandy. Vekıch 3 eıs, 1 breıkten (5 breık-poınt) asa almady.

ıÝlııa Pýtıntseva shırek fınalǵa shyǵý úshin álemniń 11-raketkasy, amerıkalyq Danıel Kollınz nemese reıtıngide 42-oryndaǵy Týnıs ókili Ons Jaberdiń qaı jeńgenimen talasady.

Júlde qory 1 mln 064, 510 myń dollarǵa baǵalanǵan Adelaıda jarysy 11 qańtarda aıaqtalady.

Eske sala keteıik, budan buryn Aýstralııa ashyq chempıonatynda qazaqstandyq úsh tennısshiniń irikteý saıystarynda baq synaıtynyn jazǵan bolatynbyz.