ıÝlııa Pýtıntseva álemdik reıtıngide úzdik 50 tennısshiniń qataryna kirdi

ASTANA. QazAqparat – Áıelder tennısi qaýymdastyǵy (WTA) jańartylǵan reıtıngini jarııa etti, dep habarlaıdy QazAqparat tilshisi.

Qazaqstannyń birinshi raketkasy Elena Rybakına álemdik reıtıngide 23-ten 25-orynǵa tómendedi.

Esesine ıÝlııa Pýtıntseva 51-den 47-ge joǵarylap, úzdik elý tennısshiniń qataryna kirdi.

Qazaqstannyń juptyq syndaǵy birinshi raketkasy Anna Danılına 10-nan 14-ke syrǵydy. Jibek Qulambaeva 233-ten 230-ǵa kóterildi.

Qazaqstannyń erler arasyndaǵy birinshi raketkasy Aleksandr Býblık kásibı tennısshiler qaýymdastyǵy (ATP) reıtıngisinde 36-satyda qaldy. Tımofeı Skatov ta 144-ornyn saqtasa, Mıhaıl Kýkýshkın 195-ten 196-ǵa tústi.

Búgin Aýstralııa ashyq chempıonatynda Elena Rybakına ıtalııalyq Elızabeta Kochcharettomen kezdesedi. Ol álemdik reıtıngide 67-den birden 48-orynǵa shyqty.

ıÝ.Pýtıntseva erteń álemniń 42-raketkasy, rýmynııalyq Sorana Kyrstmen sheberlik baıqasady.

A.Býblık 17 qańtarda reıtıngide ózinen tórt saty joǵary turǵan ıspanııalyq Alehandro Davıdovıch Fokınamen synǵa túsedi.

Eske sala keteıik, budan buryn Aýstralııa ashyq chempıonatynda qazaqstandyqtardan birinshi bolyp Elena Rybakınanyń kortqa shyǵatynyn jazǵan edik.

Foto: ktf.kz