Ystanbuldaǵy boıaý zaýytynda jarylys boldy

YSTANBUL. QazAqparat - Ystanbuldaǵy lak-boıaý zaýytynda jarylystan keıin jappaı órt shyqty. Qazirgi ýaqytta izdestirý sharalary júrip jatyr, zardap shekkender bar, dep habarlaıdy QazAqparat tilshisi.

Órt sóndirý qyzmetiniń habarlaýynsha, jergilikti ýaqyt boıynsha saǵat 13.00-de Týzla Orhanly ındýstrıaldy aımaǵyndaǵy hımııalyq zaýytta jarylys bolǵan. Osydan keıin qatty órt shyǵyp, tilsiz jaý basqa óndiris oryndaryna ótip, sol arqyly kásiporynnyń aınalasyna aıtarlyqtaı zalal keltirgen.

Kórshi alty ǵımarattaǵy tizbekti órtti órt sóndirýshiler bir saǵattan keıin aýyzdyqtady. Sebepteri anyqtalyp jatqan jarylys saldarynan úsh adam qaza taýyp, toǵyz jumysshy jaraqat aldy. Qutqarýshylar men medıtsınalyq brıgadalar adamdarǵa qajetti kómek kórsetýde. Polıtseıler zaýyt aýmaǵyn qorshaýǵa aldy, krımınologtar oqıǵanyń mán-jaıyn anyqtaýda.

Qazirgi kezde kásiporyn aýmaǵynan oqtyn-oqtyn jarylys dybystary estiledi, qalanyń birneshe aýdanynan qara tútin kórinedi. Adamdardy izdeý jáne órtti sóndirý jumystary jalǵasýda