Ystanbulda joǵary jyldamdyqty metro jelisi iske qosyldy

YSTAMBUL. QazAqparat - Kıagythane-Ystanbul áýejaıyndaǵy metro jelisi jobasymen Túrkııa búkil álemge metro qurylysy salasyndaǵy óziniń kúshi men múmkindikterin dáleldedi. Bul týraly Túrkııa prezıdenti Rejep Taıyp Erdoǵan 34 shaqyrymdyq metro jelisiniń ashylý saltanatynda aıtty, dep habarlaıdy QazAqparat Anadoly agenttigine silteme jasap.

Túrkııa prezıdenti segiz stantsııany qamtıtyn jańa metro jelisiniń Qıagythane aýdanynan Ystanbul áýejaıyna deıingi qashyqtyqty 24 mınýtta ótetinin atap ótti.

«Táýligine 800 myń jolaýshyny tasymaldaıtyn jańa metro jelisiniń ashylýy Ystambul úshin tarıhı oqıǵa», - dedi Erdoǵan.

Túrkııa basshysy qurylys barysynda otandyq materıaldardy paıdalanǵan túrik ınjenerleriniń eńbegin erekshe atap ótti.

El prezıdenti sondaı-aq, Ystanbul áýejaıynan Halkaly aımaǵyna deıingi metro jelileriniń, sondaı-aq megapolıste birneshe basqa metro jelileriniń qurylysy jalǵasyp jatqanyn eske saldy.

«Osy jobalardyń barlyǵyn júzege asyrý aıaqtalǵanda Ystanbul temirjol júıeleriniń jalpy uzyndyǵy 380 shaqyrymnan asady», - dedi Erdoǵan.

Ystanbul temirjol qurylysy jobalaryn júzege asyrý boıynsha álem qalalary ishinde birinshi orynda. Qıagythane-Ystambul áýejaıy metro jelisinde saıahat bir aı boıy tegin.

Foto: twitter.com/metroistanbul