Ystanbulda taǵy jarylys boldy

YSTANBUL. QazAqparat – Ystanbuldyń Fatıh aýdanynda jarylys boldy. Birneshe kólik otqa orandy, dep habarlaıdy QazAqparat Mynet portalyna silteme jasap.

Qaza bolǵandar men zardap shekkender týraly osy ýaqytqa deıin málimet túsken joq.

Keıbir aqparat boıynsha, órt aldymen bir kólikti sharpydy, keıin jalyn turaqta turǵan ózge mashınaǵa aýysty. Oqıǵa Ystanbuldyń negizgi kórikti oryndary - Aııa-Sofııa meshiti jáne Kók meshit ornalasqan jerden 5 shaqyrym jerde – Qoja Mustafa kóshesinde boldy.

Órt sóndirýshiler jalyndy aýyzdyqtady.

Eske salsaq, 13 qarashada Ystanbuldyń Beıoglý aýdanyndaǵy Istıklıal jaıaý júrginshiler kóshesinde jarylys boldy. Saldarynan 6 adam qaza taýyp, 53 adam jaralandy. 14 qarashada jarylys jasady degen kúdikti ustalǵany málim etildi.

Foto: www.mynet.com