Ystanbulda seısmıkalyq talaptarǵa saı emes 93 mektep jabylatyn boldy

ASTANA. QazAqparat – Ystanbuldyń ákimshilik basqarmasy seısmıkalyq qaýipsizdik talaptaryna saı emes 93 mektepti jappaq. Olardyń ishinde 76 mektepti buzyp tastaıdy nemese rekonstrýktsııalaıdy, al 17 mektep jańartylady, dep habarlaıdy QazAqparat vedomstvonyń saıtyna silteme jasap.

«20 aqpanda atalǵan mektepterdiń oqýshylaryn aýdandyq gýmbernatorlardyń úılestirýimen qaýipsiz mektepterge aýystyrady. 51 995 oqýshy men 2 765 muǵalim seısmıkalyq jaǵynan qaýipsiz mektepterge barady»,-delingen Ystanbuldyń ákimshilik basqarmasynyń habarlamasynda.

Seısmıkalyq qaýipterdiń deńgeıin tómendetý úshin Ystanbul mektepterine tekserý júrgizildi. Qalada 1999 jyly salynǵan 1418 mekteptiń 67-i seısmıkalyq jaǵynan berik deýge bolady, al 1351 mektep qaýipti jaǵdaıda.

Eske salaıyq, 6 aqpanda Kahramanmarashta magnıtýdasy 7 baldan asatyn eki jer silkinisi boldy. Jerasty dúmpýleri eldiń 10 provıntsııasynda, sondaı-aq kórshiles memleketterde, sonyń ishinde Sırııada da sezildi.

Prezıdent Rejep Taıyp Erdoǵan tabıǵı apat qurbandaryna baılanysty Túrkııada jeti kúndik ulttyq aza tutý jarııalady.

Sońǵy derekter boıynsha zilzala qurbandarynyń sany 39,6 myńnan asty.