YouTube pen TikTok-tan tabys tabatyndar salyq organdaryna esep beredi
ASTANA. KAZINFORM — YouTube, TikTok basqa da sheteldik ınternet-platformalar arqyly tabys taýyp júrgen qazaqstandyqtar salyq organdaryna esep bere bastaıdy. Bul týraly Qarjy mınıstri Mádı Takıev málim etti.
— YouTube, TikTok, Facebook jáne basqa platformada kontent jasap aqshaǵa aınaldyratyn azamattar týraly atalǵan kompanııalar tabys kólemi týraly málimetti bizge beredi, — dedi Mádı Takıev Úkimet úıinde ótken baspasóz máslıhatynda.
Mınıstrdiń málimdeýinshe, atalǵan málimet derekterdi salystyrý úshin qajet.
— Degenmen, jeke tulǵa deklaratsııany ózi tapsyrýy tıis. Platformalardan kelip túsetin málimet rastaý úshin paıdalanylady. Eger deklaratsııa tapsyrmasa, biraq tabys tirkelse, eskertý jasap, jeke tulǵaǵa deklaratsııa tapsyryp, salyq tóleý jóninde habarlama joldaımyz, — dep túsindirdi vedomstvo basshysy.
Buǵan deıin Qarjy mınıstri sheneýnikterdiń qosymsha tabysyn ashyq jarııalaýǵa qatysty túsinik bergen edi.
Eske salsaq, Qarjy mınıstrligi tabysyn jasyrǵan 438 blogerge qatysty tekserý júrgizetini týraly habarlaǵan edik.