02:07, 17 Aqpan 2023 | GMT +6
YouTube basshysy Sıýzan Voıchıtskı qyzmetinen ketetinin málimdedi
NЬıÝ-IORK. TASS – QazAqparat – YouTube onlaın-hostınginiń bas dırektory Sıýzan Voıchıtskı beısenbi kúni óz qyzmetinen ketetinin málimdedi, dep habarlaıdy QazAqparat TASS-qa silteme jasap.
«YouTube basshysy laýazymynan ketý sheshimin qabyldadym. Otbasyma, densaýlyǵyma jáne jeke jobalaryma baǵyttalǵan jańa paraqty (óz ómirimdegi) bastaımyn», - dep jazdy ol óz blogynda.
Sıýzan Voıchıtskı YouTube-qa toǵyz jyl boıy basshylyq etti. Onyń aıtýynsha, 2015 jyldan beri óndiristi baqylaý bólimine jetekshilik etip kelgen Nıl Mohen vıdeohostıngtiń jańa dırektory bolady.
Al S. Voıchıtskı tehnologııalyq alpaýyt – Google-ǵa (Google YouTube-ty 2006 jyly satyp alǵan edi) ıelik etetin Alphabet holdınginde keńesshi retinde qalady.
