ıAnnık Sınner US Open týrnıriniń jeńimpazy atandy

ASTANA. KAZINFORM – Álemniń birinshi raketkasy, ıtalııalyq sportshy ıAnnık Sınner amerıkalyq Teılor Frıtsti jeńip, US Open chempıony atandy. Bul týraly BBC News jazdy. 

Fınaldyq kezdesý jeksenbi kúni Nıý-Iorkte ótip, 6:3, 6:4, 7:5 esebimen Sınnerdiń paıdasyna sheshildi.

Qańtar aıynda Aýstralııada alǵash ret Úlken dýlyǵa týrnırin jeńip alǵan 23 jastaǵy Sınner úshin US Open maýsymyndaǵy 55-shi jeńisi jáne mansabyndaǵy altynshy tıtýly boldy.

«Bul ataq men úshin óte mańyzdy. Mansabymnyń bul kezeńi ońaı bolǵan joq, biraq meniń komandam men otbasym meni qoldady», - dedi Sınner naýryz aıynda dopıng synaǵynan eki ret ótpeı qalyp Nıý-Iorkke kelgen soń. 

Sınner 1977 jyly bir maýsymda eki Úlken dýlyǵa chempıony ataǵyn jeńip alǵan argentınalyq Gılermo Vılastan keıingi tennısshi boldy. 

Italııalyq sportshy jeńisin apasyna arnady.

Buǵan deıin Qazaqstannyń birinshi, álemniń 4-raketkasy Elena Rybakına AQSh ashyq chempıonatynyń ekinshi aınalymynda frantsııalyq Djessıka Ponshemen matchqa qatysýdan bas tartqany habarlanǵan bolatyn. 

ıÝlııa Pýtıntseva US Open týrnıriniń úshinshi aınalymynda ıtalııalyq tennısshi Jasmın Paolınıden jeńilip qaldy.

Al, Qazaqstannyń juptyq syndaǵy birinshi, álemniń 48-raketkasy Anna Danılına AQSh ashyq chempıonatynyń jartylaı fınalyna shyǵa almady.