ıAndeks.Taksıge qatysty monopolııaǵa qarsy organnyń tergeýi jalǵasatyn boldy
Sot bul sheshimniń qabyldanýyn tergeý bastalǵan 2022 jylǵy taldaýdyń bolmaýymen baılanystyrady.
Sonymen qatar, ıAndeks.Taksı úlesi Almaty qalasy boıynsha 2020 jyly – 83,78%, 2021 jyly – 84,34%, 2022 jyldyń birinshi jartyjyldyǵynda – 95,3% qurady. Astana qalasy boıynsha 2020 jyly úlesi 60,7%, 2021 jyly 67,3% qurady.
ıAndeks.Taksıdiń búgingi jaǵdaıy onyń 2 jyl nemese odan da kóp ýaqyt ishinde turaqty ósýin kórsetedi. Bul naryqtaǵy jalpy jaǵdaıdy baqylaýǵa jáne aıtarlyqtaı áser etýge múmkindik beredi.
ıAndeks.Taksı komıssııasy QQS esebimen 17% quraıdy, bul rette ıAndeks.Taksı básekelesiniń eń joǵary naryqtaǵy komıssııasy 12,5% quraıdy. Sondyqtan ıAndeks.Taksı komıssııasy naryqtaǵy eń joǵarǵy kórsetkishten 36% kóp. Bul rette Almaty qalasy boıynsha básekelestiń úlesi 2020 jyly 0,6%, 2021 jyly 0,3% quraıdy.
Budan bólek, ıAndeks.Taksıden basqa júrgizýshilerden 4%-dan turatyn komıssııany seriktes taksoparkteri de alady. Al bul Qazaqstan Respýblıkasynda jol júrý qunynyń jalpy qymbattaýyna ákelip soǵady.
Sot óz sheshimin túsindirý kezinde ıAndeks.Taksı tarapynan zańnamany buzý belgileri baryn rastalǵanyn keltirip, ýákiletti organ tıisti taldaý júrgizilgennen keıin 2022 jylǵy qyzmeti úshin tergeý ashýǵa quqyly dedi.
Osyǵan baılanysty monopolııaǵa qarsy organnyń tergeýi jalǵasatyn bolady. Búgingi tańda BQDA ıAndeks.Taksıdiń 2022 jyly monopolııalyq joǵary baǵalardy belgileý turǵysynan áreketterin taldaýda.
Osy rette ıAndeks.Taksıge qatysty tergeýdi bastaýǵa klıentterdiń kompanııa belgilegen joǵary baǵaǵa, al júrgizýshilerdiń komıssııa kólemimen kelispeıtindikteri týraly kóptegen shaǵymdar negiz bolǵanyn eske salý qajet.