ıAndeks Mýzyka jyl úzdikterin atady

ASTANA. KAZINFORM — Jyldyń eń tanymal ártisteri, trekteri men albomdary laıyqty marapatqa ıe boldy. Sonymen qatar, qoldanýshylar ózderiniń jeke nátıjeleri men jyldyń mýzykalyq trendterin kóre alady. Bul týraly Yandex Qazaqstan kompanııasynyń baspasóz qyzmeti málimdedi

ıAndeks mýzyka V $ X V PRiNCE-ti jyl ártisi dep ataǵan.

V $ X V PRiNCE Qazaqstannyń mýzykalyq sahnasynyń jarqyn sımvolyna aınaldy. Onyń shyǵarmashylyǵy shynaıylyq pen jańashyl kózqarasty ushtastyryp, mıllıondaǵan tyńdarmandardy ózine baýrady. «Vkýsnyı» atty albomy Jyl Albomy ataǵyn jeńip alyp, naǵyz jańalyq boldy. Ártistiń trekteri charttardyń joǵarǵy oryndarynan túspeı, onyń tanymaldylyǵyn arttyra tústi. Sonymen qatar, V $ X V PRiNCE «Laıktardyń kóshbasshysy» atanyp, mıllıondaǵan qoldanýshy onyń kompozıtsııalaryn jeke kollektsııalaryna saqtady.

Jyl ártisi — Say Mo

Say Mo — Qazaqstan sahnasynyń eń jarqyn ónerpazdardyń biri. 2024 jyly onyń trekteri platformada hıtke aınaldy, al iri jobalarǵa qatysý onyń tyńdaýshylar arasyndaǵy tanymaldylyǵyn arttyrdy. Onyń shyǵarmashylyǵy árqashan qyzyǵýshylyq týdyrady jáne jankúıerlerdi shabyttandyrady.

Jyl toby — «Irına Kaıratovna»

«Irına Kaıratovna» shyǵarmashylyq toby Qazaqstannyń mýzyka ındýstrııasyndaǵy kóshbasshylyq mártebesin taǵy da dáleldedi. Olardyń «Aıdahar» tregi rekordtyq ýaqyt boıy joǵarǵy orynda qalyp, «Chart baǵyndyrýshy» ataǵyna ıe boldy.

Jyldyń eń úzdik trekteri men relızderi

• Jyl tregi — Jazzdauren-niń «Darıte jenşınam tsvety» áni.

• Jyl albomy — V $ X V PRiNCE-tiń «Vkýsnyı» albomy.

• Jyldyń tez tanymal bolǵan hıti — Sadraddin-niń «Melodrama» tregi.

• Karaoke-hıt — Skrıptonıt pen FEDUK-tyń «Asta la vısta» tregi.

Jyldyń Iskrasy jáne jas ártister

ISKRA Qazaqstan jobasy «Meniń tolqynym» arqyly tanylǵan ártisterdi atap ótti. Mysaly, Jazzdauren «Jyldyń Iskrasy» ataǵyna ıe bolyp, tyńdalymdaryn úsh aı ishinde 24 000-nan 5 mıllıonǵa deıin ulǵaıtty. inaleryy «Jyl Freshmeni» atanyp, embıent janryndaǵy erekshe dybysy arqyly tyńdarmandardyń júregin jaýlap aldy. Onyń mýzykasy atmosferasymen jáne tereńdigimen erekshelenip, qazaqstandyq mýzykalyq sahnadaǵy jańa esimder arasynda kózge tústi.

ıAndeks mýzyka tipti ózge de arnaıy marapattar beripti:

• Laıktar kóshbasshysy — V $ X V PRiNCE.

• Chart baǵyndyrýshy — «Irına Kaıratovna» tobynyń «Aıdahar» tregi.

• Meniń tolqynym hıti — Wallem men Mult96-nyń «Ona bezýmna» tregi.

• Redaktsııa tańdaýy:

• Jyl ártisi — 6ellucci, erekshe stılimen tanylyp, ISKRA Qazaqstan pleılıstine engen hıp-hop toby.

• Jyl relızi — Ayau-dyń «AYAULYM» albomy, mýzykalyq jyldyń aınasy bolǵan týyndy.

• Jyl podkasty — «Dope söz / Dóp sóz», onda Qazaqstan qoǵamyndaǵy ózekti máseleler qozǵalady.

ıAndeks Mýzyka 2024 jyly qoldaý kórsetken tyńdarmandaryna alǵys aıtyp, 2025 jyly jańa mýzykalyq jobalar men trendterdi birge ashýǵa shaqyrady. Platformada arnaıy «Jyl qorytyndylary» bóliminde basty nomınatsııalardyń jeńimpazdaryn, janrlar boıynsha top-100 trekterdi, redaktsııa tańdaǵan jyldyń úzdik relızderi men albomdaryn kórýge bolady. Sonymen qatar, servıs jazylýshylary ózderiniń jyldyq mýzykalyq tarıhyn bilip, súıikti ártisteriniń jetistikterin olardyń ıAndeks Mýzykadaǵy profılderinen asha alady.

ıAndeks Mýzyka — árbir qoldanýshyǵa arnalǵan mýzyka, podkasttar jáne jeke usynystardy beretin strımıng platformasy. Platformada 500-den astam qazaqstandyq ártis usynylǵan, al ISKRA Qazaqstan jobasy jańa talanttardyń óz aýdıtorııasyn tabýyna kómektesedi. Platformaǵa ıAndeks Plıýs jazylymy arqyly qol jetkizýge bolady.

Eske sala keteıik, osyǵan deıin Yandex Go óz brendin jańartqanyn jazǵan bolatynbyz.