Yahoo Chrome braýzerin satyp alýǵa daıyn

ASTANA. KAZINFORM – Yahoo Inc eger sot kompanııany satý týraly sheshim shyǵarsa, Google Chrome veb-braýzerin satyp alýǵa ótinim berýge daıyn, dep habarlaıdy Investing.

Yahoo Search bas dırektory Braıan Provost Vashıngton sotynda jaýap bergende Chrome braýzeriniń quny ondaǵan mıllıard dollar bolýy múmkin ekenin aıtyp, ol Internettegi eń mańyzdy strategııalyq oıynshy ekenin atap ótti.

Ol Apollo Global Management jeke ınvestıtsııalyq kompanııasy qoldaıtyn Yahoo múmkindik týyndaǵan jaǵdaıda aktıvti satyp alýǵa daıyn ekenin qosyp ótti.

Bul Ádilet mınıstrliginiń Alphabet-ke kiretin Google kompanııasyna qatysty monopolııaǵa qarsy isi boıynsha tyńdaý kezinde aıtyldy.

Ádilet mınıstrligi men AQSh-tyń birneshe shtaty ınternet izdeý naryǵyndaǵy ústemdigin shekteý úshin Google-ǵa Chrome-dy satýǵa májbúr etý kerek dep ekenin sendirip otyr.

Bloomberg OpenAI-da Chrome-dy satyp alýǵa qyzyǵýshylyq tanytqanyn habarlady.

Buǵan deıin sot Federaldyq saýda komıssııasynyń talap-aryzy aıasynda Meta-ny Instagram nemese WhatsApp-ty satýǵa májbúrleı alatyny habarlanǵan bolatyn.

Osyǵan deıin Meta Trampqa 25 mıllıon dollar tóleıtini týraly jazǵan edik.