ıAdrolyq sala mamandary elimizdiń 6 ýnıversıtetinde oqytylady

ASTANA. KAZINFORM – Elimizdiń 6 joǵary oqý ornynda ıadrolyq jáne atom ónerkásibi boıynsha mamandar daıarlanady. Bul týraly QR Ǵylym jáne joǵary bilim mınıstrligi Joǵary jáne joǵary oqý ornynan keıingi bilim komıteti tóraǵasynyń orynbasary Gúljan Jarasova aıtyp berdi.

Onyń aıtýynsha, atom energetıkasy úshin kadr daıarlaý «Qazatomónerkásip» jáne osy saladaǵy basqa da kásibı uıymdarmen, salalyq mınıstrlikpen yntymaqtastyqta júzege asyrylýda. 

− ıAdrolyq jáne atom ónerkásibi boıynsha kadr daıarlaý elimizdiń 6 JOO-ynda júrgiziledi. «Fızıka», «Taý-ken isi jáne paıdaly qazbalardy óndirý», «Energetıka jáne elektrotehnıka», «Jylý energetıkasy», «Taý-ken ınjenerııasy» baǵdarlamalary boıynsha bilim alýshylar sany 921 adam bolsa, onyń 96 paıyzy (885 adam) memlekettik grant negizinde oqıdy. Sońǵy 3 jylda 1838 túlek oqýyn aıaqtap, onyń 1806-sy jumysqa ornalasqan, − dedi G. Jarasova Ortalyq kommýnıkatsııalar qyzmetinde ótken brıfıngte.

Mınıstrliktiń naqtylaýynsha, 6 ýnıversıtet tizimi mynadaı: ál-Farabı atyndaǵy Qazaq ulttyq ýnıversıteti, Q. Sátbaev atyndaǵy Qazaq ulttyq tehnıkalyq zertteý ýnıversıteti, L. Gýmılev atyndaǵy Eýrazııa ulttyq ýnıversıteti, D. Serikbaev atyndaǵy ShQTÝ, S. Amanjolov atyndaǵy ShQÝ jáne Shákárim atyndaǵy ýnıversıtet.

Jalpy, osy sala úshin kadrlar daıarlaý 2000 jyldan bastap júzege asyrylýda jáne 4500 adam joǵary oqý ornyn bitirip shyqqan.

ıAdrolyq saladaǵy mamandardy sapaly daıarlaý úshin jetekshi sheteldik joǵary oqý oryndarynyń fılıaldary ashylýda.

− Máselen, ál-Farabı atyndaǵy QazUÝ bazasynda reseılik MIFI ulttyq ıadrolyq zertteý ýnıversıteti quryldy. Esenov ýnıversıteti bazasynda nemis tehnıkalyq ýnıversıtetteriniń konsortsıýmy jańa formattaǵy elektrenergetıka salasynyń ınjenerlerin daıyndaýdy bastady. Ǵ. Dáýkeev atyndaǵy Almaty energetıka jáne baılanys ýnıversıtetinde ótken jyly Anhalt ýnıversıtetiniń (GFR) fılıaly ashyldy, onda elektrotehnıka jáne energetıka boıynsha mamandar daıarlanady, − dep túsindirdi spıker.

Buǵan deıin G. Jarasova Qazaqstan JOO-laryna ınjenerlik bilim berýdiń jańa modeli engiziletinin aıtqan edi. Búginde Qazaqstannyń 54 JOO-synda ınjenerler oqytylady, onda 103 myńnan astam stýdent oqıdy.

Sondaı-aq, Qazaqstandy Ortalyq Azııanyń bilim berý habyna aınaldyrý maqsatynda elimizde 16 sheteldik ýnıversıtettiń fılıaldary ashylǵan.