ıAdrolyq medıtsına: Qazaqstan men AQHA seriktestigi keńeımek
ASTANA. KAZINFORM — Ulttyq ǵylymı onkologııa ortalyǵynda Qazaqstan Respýblıkasynyń Densaýlyq saqtaý birinshi vıtse-mınıstri Tımýr Sultanǵazıevtiń Atom Qýaty Halyqaralyq Agenttiginiń (AQHA) mıssııa ókilderimen kezdesýi ótti. Bul týraly vedomstvonyń baspasóz qyzmeti málim etti.
Delegatsııany AQHA-nyń dozımetrııa jáne medıtsınalyq radıatsııalyq fızıka sektsııasynyń (NAHU) basshysy Maýro Karrara basqardy. Kezdesýge sondaı-aq QR Atom energııasy agenttiginiń jáne Syrtqy ister mınıstrliginiń ókilderi qatysyp, radıatsııalyq medıtsınany damytý men halyqaralyq yntymaqtastyqtaǵy vedomstvoaralyq ózara is-qımyldyń jáne keshendi tásildiń mańyzyn kórsetti.
Tımýr Sultanǵazıev Qazaqstan Respýblıkasy Úkimetiniń AQHA-men kópjyldyq ári nátıjeli seriktestikti joǵary baǵalaıtynyn atap ótti. Onkologııalyq aýrýlardy dıagnostıkalaý men emdeýde radıoaktıvti kózderdi qoldanýdy damytý ulttyq densaýlyq saqtaý júıesin nyǵaıtýdyń jáne joǵary tehnologııalyq medıtsınalyq kómektiń qoljetimdiligin arttyrýdyń mańyzdy bóligi retinde qarastyrylady.
Kezdesý barysynda patsıentterdiń zamanaýı dıagnostıka jáne emdeý ádisterine qoljetimdiligin keńeıtý perspektıvalaryna erekshe nazar aýdaryldy. Qazaqstan Ortalyq Azııa elderi úshin kadr daıarlaý, quzyretterdi damytý jáne ozyq klınıkalyq tájirıbe almasýǵa arnalǵan Anchor Centre — aımaqtyq quzyret ortalyǵyn qurýdy qosa alǵanda, yntymaqtastyqty odan ári damytýǵa múddelilik tanytty. Talqylaý barysynda ózara is-qımyldyń negizgi baǵyttary aıqyndaldy.
Atap aıtqanda, protondyq terapııany, radıofarmatsevtıkany, teranostıkany, medıtsınalyq radıatsııalyq fızıkany jáne densaýlyq saqtaýdaǵy tsıfrlyq sheshimderdi damytý máseleleri kóterildi. Sonymen qatar adamı kapıtaldy damytýǵa — dárigerlerdi, ınjenerlerdi, radıohımıkterdi, medıtsınalyq fızıkter men zertteýshilerdi daıarlaýǵa erekshe basymdyq berildi.
— Biz halyqaralyq deńgeıde bilim men tájirıbe almasýdy keńeıtýge berikpiz. Qazaqstan ózin tek kómek alýshy el retinde emes, sonymen qatar jınaqtalǵan tájirıbesimen, úzdik praktıkalarymen jáne ınfraqurylymymen bólisýge daıyn belsendi seriktes retinde kóredi. Bul Ortalyq Azııa óńirindegi medıtsınalyq uıymdarmen yntymaqtastyqty damytýǵa múmkindik beredi, — dedi vedomstvo ókili.
AQHA mıssııasynyń jetekshisi Ulttyq ǵylymı onkologııa ortalyǵy mamandarynyń kásibı deńgeıin joǵary baǵalap, olardyń Agenttiktiń halyqaralyq bilim berý baǵdarlamalaryna qatysýǵa ǵana emes, sondaı-aq mentor retinde úles qosýǵa áleýeti bar ekenin atap ótti. Sonymen qatar zamanaýı radıatsııalyq tehnologııalardy damytýda dárigerlermen qatar medıtsınaǵa qatysy joq mamandardyń da róli zor ekeni aıtyldy.
Kezdesý qorytyndysy boıynsha taraptar kadrlyq áleýetti damytýǵa, ozyq tehnologııalardy engizýge jáne Qazaqstan men óńir elderinde onkologııalyq kómektiń sapasyn arttyrýǵa baǵyttalǵan yntymaqtastyqty odan ári nyǵaıtýǵa senim bildirdi.