XXV qysqy Olımpıada oıyndarynyń ashylý saltanaty resmı bastaldy
LIVINЬO.KAZINFORM – Italııanyń Mılan jáne Kortına-d’Ampetstso qalalarynda XXV qysqy Olımpıada oıyndarynyń ashylý saltanaty resmı bastaldy.
Oıyndardyń ashylý saltanaty jergilikti ýaqyt boıynsha saǵat 20:00-de Mılan qalasyndaǵy áıgili «San-Sıro» olımpıadalyq stadıonynda bastaldy. Sonymen qatar ashylý saltanatynyń bir bóligi retinde Lıvıno, Predatstso jáne Kortına-d’Ampetstso qalalarynda bir mezgilde sportshylar sherýi jalǵasady.
Mılan-Kortına-2026 qysqy Olımpıada oıyndarynyń ashylý saltanatyn «Balich Wonder Studio» stýdııasy uıymdastyryp otyr. Uıymdastyrýshylar bul aýqymdy halyqaralyq merekege jańa ári ınklıýzıvti format berýdi kózdeıtinin málimdedi.
Іs-sharada bes dúrkin «Gremmı» syılyǵynyń ıegeri Meraııa Kerı, álemge áıgili tenor Andrea Bochellı, «Altyn globýs» syılyǵynyń ıegeri Laýra Pýsını, marapattalǵan akter jáne prodıýser Perfranchesko Favıno jáne amerıkalyq «White Lotus Resort» telehıkaıasynda basty róldi somdaǵan aktrısa Sabrına Impachatore sııaqty birqatar álemdik deńgeıdegi ártister óner kórsetedi.
Sonymen qatar ıtalıandyq reper Galı men álemge áıgili pıanıst Lang Lang kórermenderge tamasha kóńil kúı syılaıdy dep josparlanǵan.
Eske salaıyq, 2026 jylǵy Olımpıada oıyndary 6-22 aqpan aralyǵynda Italııanyń Mılan jáne Kortına-d’Ampetstso qalalarynda ótedi. Baıraqty básekede 16 sport túri boıynsha 116 medal jıyntyǵy sarapqa salynady.
Osyǵan deıin habarlaǵanymyzdaı, Qazaqstannan bıyl 36 sportshyny Olımpıada oıyndaryna joldama alyp, sportshylar sany jóninen alǵashqy 25 memleket quramyna endi.