World Boxing: Qazaqstan atynan búgin tórt boksshy shyǵady

ASTANA. KAZINFORM - Úndistan astanasy Nıý-Delı qalasynda World Boxing aıasynda ótip jatqan bokstan álem kýbogynda 18 qarashada el quramasynan kimder rınge shyǵatyny belgili boldy.

Bul kúni el quramasynan tórt boksshy sharshy alańǵa shyǵady. Olardyń 2-ýi kúndizgi, 2-ýi keshki sessııada saıysqa túsedi.

Kúndizgi sessııa (Qazaqstan ýaqytymen 13:30 )

15:00. Áıelder. 80 keliden joǵary. Jartylaı fınal. Ásel Toqtasyn - Oltınoı Sotımboeva (Ózbekstan)

15:30. Erler. 80 keli. Jartylaı fınal. Sanjarálı Begalıev - Oladımedjı Shıttý (Anglııa)

Keshki sessııa (17:30)

18:15. Erler. 80 keli. Jartylaı fınal. Dıana Magaýıaeva - Agata Kachmarska (Polsha)

19:45. Erler. 90 keliden joǵary. Jartylaı fınal. Danııal Saparbaı - Narender (Úndistan).

Aıta ketsek, 17 qarashada el quramasynan Nurbek Mursal (70 keli) jeńiske jetse, Nursultan Altynbek (55 keli), Aman Qonysbekov (75 keli), Bekzat Tańatar (90 keli), Nurzat Ońǵarov (50 keli) qarsylastaryna ese jiberdi.

Bedeldi báseke 16-20 qarasha aralyǵynda ótedi. Oǵan Qazaqstan atynan erler quramasynan 8, al áıelder quramasynan 5 sportshy qatysýǵa múmkindik aldy.

Álem kýbogi úsh kezeńnen turady. Alǵashqy kezeńi sáýir aıynda Brazılııanyń Fos-dý-Igýasý qalasynda bolsa, odan keıin shilde aıynda Astana da jalaýyn kóterdi.

Birinshi kezeńde otandastarymyz 3 altyn, 3 qola alsa, ekinshi kezeńde 8 altyn, 2 kúmis, 5 qola júldege qol sozdy.