World Boxing: fınalda búgin qazaqstandyq eki boksshy synǵa túsedi

ASTANA. KAZINFORM - Úndistan astanasy Nıý-Delı qalasynda World Boxing aıasynda ótip jatqan álem kýbogy fınalynda 20 qarashada el quramasynan eki boksshy sharshy alańǵa shyǵady.

El quramasynan Nurbek Mýrsal (70 keli) fınalda úndistandyq Hıtesh Hıteshpen kezdesse, Sultanbek Aıbaruly (85 keli) ózbekstandyq Jasýrbek ıÝldoshevpen qolǵap túıistiredi.

Keshki sessııa Qazaqstan ýaqytymen 17:30-da bastalady.

Elimizdiń erler quramasynda Nurbek pen Sultanbekten ózge Nurzat Ońǵarov (50 keli), Nursultan Altynbek (55 keli), Aman Qonysbekov (75 keli), Sanjaráli Begalıev (80 keli), Bekzat Tańatar (90 keli), Danııal Saparbaı (90 keliden joǵary) álem kýbogyna keldi.

Al áıelder quramasynda Aqbota Bolat (48 keli), Jansaıa Rahymberdi (51 keli), Uljan Sársenbek (57 keli), Dıana Maǵaýııaeva (80 keli), Ásel Toqtasyn (80 keliden joǵary) syndy boksshylarǵa senim artyldy.

Bedeldi báseke 16-20 qarasha aralyǵynda ótip jatyr. Oǵan Qazaqstan atynan erler quramasynan 8, al áıelder quramasynan 5 sportshy qatysýǵa múmkindik aldy.

Álem kýbogi úsh kezeńnen turady. Alǵashqy kezeńi sáýir aıynda Brazılııanyń Fos-dý-Igýasý qalasynda bolsa, odan keıin shilde aıynda Astana da jalaýyn kóterdi.

Birinshi kezeńde otandastarymyz 3 altyn, 3 qola alsa, ekinshi kezeńde 8 altyn, 2 kúmis, 5 qola júldege ıe boldy.