World Boxing: búgin qazaqstandyq 7 boksshy rıngke shyǵady

ASTANA. KAZINFORM — Anglııanyń Lıverpýl qalasynda ótip jatqan álem chempıonatynda búgin, 8 qyrkúıekte Qazaqstan quramasynan jeti boksshy sharshy alańǵa shyǵady. 

Qazaqstandyq jankúıerler búgin el quramasynan erlerde Beıbarys Jeksen (60 keli), Tórehan Sabyrhan (70 keli), Sabyrjan Aqqalykov (75 keli), Saǵyndyq Toǵambaı (90 keli) jáne Aıbek Oralbaı (90 keliden joǵary), áıelderde Aıda Ábikeeva (65 keli) jáne Gúlsaıa Erjan (80 keli) syndy bylǵary qolǵap sheberleriniń jekpe-jekterin «Qazsport» telearnasynan tikeleı efırde tamashalaı alady.

Kúndizgi sessııa (Qazaqstan ýaqytymen 16:00)

5 jup (A rıngi). Áıelder. 80 keli. 1/8 fınal\. Gúlsaıa Erjan — Iveta Lesınskıte (Lıtva)
7 jup (B rıngi). Erler 70 keli. 1/8 fınal. Tórehan Sabyrhan — Fınn Robert Bos (Nıderland)
11 jup (B rıngi). Erler. 90 keli. 1/8 fınal. Saǵyndyq Toǵambaı — Djek Maıkl Marlı (Irlandııa).

Keshki sessııa (22:00)

3 jup (A rıngi). Áıelder. 65 keli. 1/8 fınal. Aıda Ábikeeva — Sýk En Kan (Ońtústik Koreıa)
6 jup (A rıngi). Erler. 60 keli. 1/8 fınal. Beıbarys Jeksen — Sachın (Úndistan)
12 jup (B rıngi). Erler. 75 keli. 1/8 fınal. Sabyrjan Aqqalykov — Pavel Illıýsha (Ýkraına)
16 jup (B rıngi). Erler. 90 keliden joǵary. 1/8 fınal. Aıbek Oralbaı — Ilıas Mıýdjahıt (Túrkııa).

Dúbirli doda 4-14 qyrkúıek aralyǵynda ótkiziledi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.

Álemniń ár qıyrynan kelgen boksshylar 4-10 qyrkúıek aralyǵynda irikteý kezeńinde saıysqa túsedi. Al 12-13 qyrkúıekte jartylaı bolsa, 13-14 qyrkúıekte fınaldyq básekeler ótedi.