World Boxing: Álem chempıonatynda taǵy eki boksshy shırek fınalǵa shyqty

ASTANA. KAZINFORM — Anglııanyń Lıverpýl qalasynda World Boxing aıasynda ótip jatqan álem chempıonatynda Qazaqstan quramasynan taǵy eki boksshy jarysty jalǵastyrady.

Aldymen Mahmud Sabyrhan (55 keli) shırek fınalda kosovolyq Bashkım Bajokýmen kezdesti. Birinshi raýndta qazaqstandyq boksshy qarsylasyn nokaýtqa jiberdi. Nátıjesinde jarysty jalǵastyrýǵa múmkindik aldy.

Qazirge deıin el quramasynan Alýa Balqybekova (51 keli), Vıktorııa Grafeeva (60 keli) shırek fınalǵa joldama aldy.

Nurbek Oralbaı bul kezeńde Qytaı eliniń ókili Toqtarbek Tańathanmen kezdesti. Úsh raýnd boıy qarsylasyna múmkindik bermegen Nurbek Oralbaı tóreshilerdiń sheshimimen jeńiske jetti.

Sondaı-aq keshki sessııada bes boksshymyz sharshy alańǵa shyǵady.

Keshki sessııa (22:00)

48 keli. Nazym Qyzaıbaı — Lıla Zeletskıı
50 keli. Sanjar Táshkenbaı — Hýthaıha Eshısh
85 keli. Bekzat Nurdáýletov — Georgıı Kýshıtashvılı
70 keli. Natalıa Bogdanova — Sema Chalyshkan
65 keli. Ertýǵan Zeınýlınov — Patrıs Mýgalzaı.

Dúbirli doda 4-14 qyrkúıek aralyǵynda Anglııanyń Lıverpýl qalasynda ótkiziledi. Jekpe-jekter «Qazaqstan» jáne «Qazsport» telearnalarynan tikeleı efırde kórsetiledi.