WIW 2018: Almatylyq stýdentter qarjylyq saýatyn arttyryp jatyr
Onda stýdentter arasynda qarjylyq jáne ınvestıtsııalyq mádenıetti qalyptastyrý maqsatynda jastardy elimizdiń ekonomıkalyq úderisine beıimdeý, tartý úshin dáris berilip jatyr.
Jastarǵa AHQO qarjylyq qyzmetterdi retteý, qarjy tehnologııalary, jasyl jáne ıslam oblıgatsııalaryn shyǵarý, naryqta qundy qaǵazdardy ınvestıtsııalar salasynyń mamandary keńes berýde.
AHQO mamandary stýdentterge ortalyqtyń negizgi jumystary týraly aıtty.
«AHQO-ny almatylyqtar kópten kútti. Al World Investor Week alańy - IOSCO men áriptestikte jumys jasaýǵa múmkindik beretin úlken alań. Bul aımaqtyq mıssııa Almaty ǵana emes, Qaraǵandy, Atyraý, Shymkent qalalarynda taqyryp boıynsha basqosýlar ótkizedi. AHQO múddeli taraptar úshin tıimdi dıalog alańyn quryp otyr», - dedi ortalyq ókili Ernur Rysmaǵambetov.
Sarapshy halyqaralyq ınvestıtsııa aptalyǵy AHQO qatysýshylary arasynda yntymaqtastyqtyń damýyna yqpal etetinin aıtty.
E.Rysmaǵambetovtyń aıtýynsha, ortalyqta qazir sot, arbıtraj ortalyǵy, sheteldikterge kómek kórsetetin bir tereze júıesi jumys istep tur.
Aıta ketý kerek, álemniń 80 astam elinde halyqaralyq ınvestorlar aptalyǵy - WIW 2018 bastalady. Bul sharany halyqaralyq qundy qaǵazdar komıssııasy uıymy ótkizedi.
Bir aptaǵa sozylatyn shara barysynda 80-ge jýyq qarjylyq retteýshi kompanııa men naryq qatysýshylary qarjylyq saýattylyq, ınvestıtsııa jasaý týraly túrli shara ótkizedi.
Ǵalamdyq WIW 2018 ınıtsıatıvasynyń aıasynda «Astana» halyqaralyq qarjy ortalyǵy (AHQO) Astana, Almaty, Shymkent, Qaraǵandy, Qostanaı qalalarynda halyqtyń ıvestıtsııalyq saýattylyǵyn arttyrýǵa baǵyttalǵan sharalar tizbegin daıyndady.
AHQO - oqý bitirgen túlekterdi qaıta oqytyp, halyqaralyq sertıfıkattarǵa saı maman ázirleýdi kózdep otyr. Munda 2 myńǵa jýyq mamandy qaıta oqytý kózdelgen. Búgingi tańda 500 maman bilim alyp shyqty.
Alaıda ortalyq aldaǵy ýaqytta tek túlekterdi ǵana emes, stýdentterdi de oqytýǵa kúsh salmaq.
«Biz endi tek bitirip shyqqan mamandardy ǵana emes, stýdentterdi de oqytýǵa kúsh salyp jatyrmyz. Stýdentter de halyqaralyq standarttarǵa saı bilim alýy tıis. Osy oraıda magıstrlik baǵdarlama ashyldy. UIB ýnıversıtetiniń 25 magıstranty arnaıy baǵdarlama boıynsha bilim alyp jatyr. Bul baǵdarlamany myqty praktık trenerler júrgizedi. Bul baǵdarlama 1,5 jyldaı pılottyq rejimde iske asyrylady», - dedi Ernur Rysmaǵambetov.
