Volonterlikti damytýdyń 2024-2026 jyldarǵa arnalǵan Jol kartasy qabyldandy
Byltyr volonterlikti damytýdyń 2021-2023 jyldarǵa arnalǵan Jol kartasyn iske asyrý jumystary aıaqtaldy, nátıjesinde volonterlik uıymdardyń sany 3 esege artty, dep habarlaıdy QR Mádenıet jáne aqparat mınıstrligi.
Volonterlik ınfraqurylymdy damytý baǵytynda respýblıkalyq jáne 20 óńirlik front-ofıs jumys isteıdi. Sondaı-aq Qazvolunteer.kz onlaın platformasy iske qosylyp, onda 60 myńnan asa belsendi volonter tirkelgen.
150-den astam volonterlik joba jáne 700-den asa volonterlik bastama iske asty. Azamattardy volonterlik qyzmetke qatysýǵa yntalandyrýǵa baǵyttalǵan "Volonterlik qyzmet týraly" Zańǵa túzetýler engizildi.
Sonymen qatar Úkimet volonterlikti odan ári damytý úshin 2024-2026 jyldarǵa arnalǵan volonterlikti damytý men qoldaýdyń Jol kartasyn bekitti. Ony ázirleýge elimizdiń 20 óńirinen 500-den asa adam qatysty.
Atalǵan bastamanyń sheńberinde volonterlikti damytý men qoldaýdyń Jol kartasy úshin 200-den astam usynys tústi. Negizgi nazar salalyq volonterlikti damytýǵa baǵyttalǵan.
