Volonterlik bastamalardy júzege asyrýǵa 70 mıllıon teńgeden astam qarajat bólinbek
Qazaqstannyń barlyq óńirinde Birgemiz jalpyulttyq jobasy aıasynda volonterlik bastamalardy júzege asyrý boıynsha shaǵyn granttar konkýrsyna ótinimderdi qabyldaý jalǵasýda. Bul joba túrli baǵyttar boıynsha naqty jergilikti mindetterdi sheshýge baǵyttalǵan jáne ol aǵymdaǵy jyldyń 25 sáýirinen 31 mamyryna deıin ótkiziledi.
Konkýrsqa qatysý ótinimderin Birgemiz jobalaryn júzege asyratyn 8 úkimettik emes uıym qabyldaýda. Birgemiz granttar baǵdarlamasy Qazaqstan Respýblıkasy Mádenıet jáne aqparat mınıstrliginiń tapsyrysy boıynsha «Azamattyq bastamalardy qoldaý ortalyǵy» KeAQ-tyń qoldaýymen úshinshi jyl qatarynan tabysty júzege asyrylýda. Bul memlekettik granttardy eriktiler bolyp tabylatyn kámeletke tolǵan qazaqstandyqtar, sondaı-aq bastamashyl toptar men ÚEU ala alady. Bıylǵy konkýrs aıasyndaárqaısysy 300 myń teńgeni quraıtyn 240 shaǵyn grant beriledi.
Birgemiz jobasynyń eriktiler bastamalary kelesi baǵyttardy qamtıdy:
• BIRGEMIZ: Bilim;
• BIRGEMIZ: Saýlyq;
• BIRGEMIZ: Sabaqtastyq;
• BIRGEMIZ: Taza Álem;
• BIRGEMIZ: Asyl mura;
• BIRGEMIZ: Qamqor;
• BIRGEMIZ: Úmit;
• BIRGEMIZ: Ayala.
Ótinimderdi qabyldaý 2024 jylǵy 31 mamyrǵa deıin uzartyldy. Al konkýrstyń qorytyndylaryn shyǵarý jáne irikteý nátıjelerin jarııalaý 2024 jylǵy 18 maýsym kúni ótedi.
Konkýrsqa qatysý úshin Azamattyq bastamalardy qoldaý ortalyǵynyń saıtynda kórsetilgen qujattardyń tolyq paketin daıyndaý jáne tapsyrý qajet. Qosymsha aqparat pen uıymdastyrýshylardyń baılanystaryn https://cisc.kz/ saıtynan tabýǵa bolady.
Jergilikti qoǵamdastyqtardyń ómirin jaqsy jaqqa ózgertýge qabiletti eriktilerdi, bastamashyl toptar men ÚEU ókilderin ózderiniń áleýmettik jobalaryn júzege asyrý úshin atalmysh konkýrsqa qatysýǵa shaqyramyz.
