Volonterlikti damytýdyń jańa Jol kartasy jasalady

ASTANA. QazAqparat – Memleket basshysy Qasym-Jomart Toqaev Halyqaralyq volonterler forýmynda Volonterlikti damytýdyń jańa Jol kartasyn jasaýdy usyndy, dep habarlaıdy QazAqparat tilshisi.

«Bizge bul jumystardy volonterlik pen fılantroptyq qyzmet qoǵamda berik tamyr jaıǵansha jalǵastyra berý kerek. Osy turǵydan alsaq, kelesi qadamdardy jasaýymyz kerek.

Birinshiden, strategııalyq ustanymdardy aıqyndaıtyn jańa Jol kartasy kerek. Osyndaı qujatty ázirleý kerek. Bul qujat volonterlik qyzmetke qýatty serpin berip, onyń aldaǵy jyldardaǵy baǵytyn aıqyndaýǵa tıis.

Ekinshiden, volonterlik pen qaıyrymdylyq jumystyń eseptilik júıesin engizý kerek. Bul bastama volonterlik qyzmetti zańnama deńgeıinde yntalandyrýdyń tıimdi tásilderin engizýge kómektesedi», - dedi Memleket basshysy.

Prezıdenttiń aıtýynsha, volonterlik qyzmet budan ári keńirek tamyr jaıý úshin granttar neǵurlym uzaq merzimge bólinýi kerek.

«Úshinshiden, volonterlik qyzmet uzaq merzimdi granttar engizý arqyly qoldaý tabýǵa tıis. Bul turǵyda qoǵam men jeke salymshylar arasynda, ulttyq jáne halyqaralyq donorlar arasynda ornyqty áriptestikti ilgeriletý mańyzdy», - dedi Qasym-Jomart Toqaev.