Volonterler «ALJIR» mýzeıindegi restavratsııa jumysyna atsalysty
«Jas ulan» biryńǵaı balalar men jasóspirimder uıymynyń baspasóz hatshysy Serik Baǵlannyń aıtýynsha, mundaǵy negizgi maqsat - mádenı-tarıhı murany saqtaý jáne damytý, tarıh, mádenıet eskertkishteri men memorıaldyq keshenderdi qalpyna keltirý.
«Aljır» mýzeıi elimizdegi mańyzdy tarıhı-mádenı oryndardyń biri. Bul jerde qanshama ájelerimiz, analarymyz jazyqsyz azaptalyp, kóz jumdy. Osyndaı kıeli jerdi restavratsııalaý úshin «Birgemiz: Asyl Mura» jalpyulttyq jobasynyń 10 volonteri jumyldyryldy. Mýzeı qyzmetkerleriniń nusqaýymen volonterler sol jerdegi eksponattardyń shańdaryn súrtip, tazalyq jumystaryn júrgizdi. Bul jumystar jastar arasynda qol eńbegin nasıhattaýǵa kómektesedi dep oılaımyn», - deıdi «Jas ulan» biryńǵaı balalar men jasóspirimder uıymynyń tóraıymy Dınara Sádýaqasova.
«Birgemiz: Asyl Mura» jalpyulttyq jobasynyń mańyzdy baǵyttarynyń biri - volonterlerdi restavratsııalyq jumystarǵa jumyldyrý. Bul volonterler joba aıasynda oqytýdan ótken bolatyn.
«Men úshin restavratsııalyq jumystarǵa atsalysyp, elimniń tarıhı-mádenı muralaryn qalpyna keltirýge úles qosý úlken maqtanysh. «Birgemiz: Asyl Mura» jalpyulttyq jobasy arqyly biz buryn bilmegen birneshe tarıhı-mádenı oryndarmen tanysyp qana qoımaı, olardy qalpyna keltirýge de úlesimizdi qosyp jatyrmyz. «ALJIR» mýzeıindegi restavratsııalyq jumystarǵa qatysqanyma qýanyshtymyn. Jastardy osyndaı ıgi isterge shaqyrǵym keledi», - deıdi volonter Maǵjan Saǵyntaev.
Aldaǵy ýaqytta restavratsııalyq jumystar aıaqtalǵannan keıin volonterler úshin mýzeıge arnaıy ekskýrsııa júrgizilmekshi.
