«Volonter» Toqaevtyń sırek sýretteri jarııalandy

NUR-SULTAN. QazAqparat – Asylbek Abdýlovtyń «Prezıdent Toqaevtyń jańa baǵdary» atty fılminde Memleket basshysynyń jas shaǵyndaǵy sırek sýretteri men beıneleri kórsetildi, dep habarlaıdy QazAqparat tilshisi.

Fılm avtory Qasym-Jomart Toqaevtyń Prezıdenttik laýazymdaǵy eki jylyna sholý jasaı kelip, Arys qalasyn jarylystardan keıin qalpyna keltirý jumystaryna eriktilerdiń belsendi atsalysqanyn eske alady. Osy kezde kadrda Prezıdenttiń senbilikte eńbek etip júrgeni beınesi kórsetilgen.

«Osynaý áýesqoı kınokadrlarda 10-synyp oqýshysy Qasym-Jomart Toqaev Almatydaǵy №25 orta mektepte mamyr senbiliginde mektep aýlasyn qoqystan aryltyp, qyzdarǵa kómektesip jatyr», - deıdi fılm avtory.

Sondaı-aq, fılm barysynda Qasym-Jomart Toqaevtyń sportpen shuǵyldanyp jatqan sátteri bar sırek kezdesetin sýretter kórinis tapqan.

«Ákemniń taǵdyry bala kezinen bastap ońaı bolǵan joq. Ol erte jetim qaldy. Áýeli balalar úıinde, sodan keıin ınternatta tárbıelendi. Sodan keıin soǵys bastaldy. Maıdan ol úshin batyldyq pen tabandylyqtyń taǵy bir synaǵy boldy. Ol soǵystan kóp sabaq alyp, qorqynysh pen qaıǵy-qasiretti jeńe aldy», - dep eske alady Qasym-Jomart Toqaev.