Voleıboldan Qazaqstan chempıonaty: «Jaıyq» «Esilden» basym tústi

ORAL. KAZINFORM — Oralda vleıboldan ótip jatqan erlerdiń Ulttyq lıga komandalary arasynda HHІІ Qazaqstan chempıonaty úshinshi týrynyń kezekti oıyndary máresine jetti.

Bul joly tartysty kezdesý jergilikti «Jaıyq» pen soltústikqazaqstandyq «Esildiń» arasynda boldy.

Bes setke sozylǵan básekede Vıktor Kozık jattyqtyratyn oraldyqtar 3:2 (23:25, 32:30, 18:25, 25:16, 15:11) esebimen jeńiske jetti.

«Esil» 28 upaımen týrnır kestesinde tórtinshi orynda kele jatsa, «Jaıyq» (32 upaı) úzdik úshtikti túıindep tur.

El chempıony «Pavlodar» 44 upaımen kósh bastasa, «Aqtóbeni» 3:0 (25:15, 25:15, 25:15) esebimen tize búktirgen «Taraz» (33 upaı) ekinshi satyǵa kóterildi.

Oraldaǵy úshinshi týr 19 qańtarda aıaqtalady.

Eske sala keteıik, budan buryn «Pavlodardyń» «Jaıyqty» ekinshi ret utqanyn jazǵan bolatynbyz.