Voleıboldan el chempıony «Taraz» atyraýlyqtardan jeńilip qaldy

PAVLODAR. KAZINFORM — Pavlodar qalasynda voleıboldan erlerdiń ulttyq lıga komandalary arasynda ótip jatqan XXXIII Qazaqstan chempıonatynyń ekinshi týrynda kútpegen nátıje tirkeldi.

El chempıony «Taraz» atyraýlyqtarmen tartysty match ótkizdi.

Tarazdyqtar týrnır kestesinde 6-orynda tursa, osyǵan deıin qatarynan úsh ret jeńilis tapqan «Atyraý» komandasy 8-satyda edi.

Serbııalyq maman Deıan Výlıchevıch jattyqtyratyn atyraýlyqtar «Tarazdy» 3:2 (25:23, 25:17, 19:25, 20:25, 15:9) esebimen san soqtyryp ketti.

Alań ıeleri «Pavlodar» soltústikqazaqstandyq «Esilden» aılasyn asyrdy – 3:1 (25:27, 25:20, 25:22, 28:26). 

Osy oıynnan keıin 19 upaı jınaǵan pavlodarlyqtar «Aqtóbeni» artqa qaldyryp, úshinshi orynǵa kóterildi.

Seısenbi kúni «Jetisý» - «Aqtóbe», «Býrevestnık» (Almaty) – «Atyraý», «Taraz» - «Esil», «Pavlodar» - «Ushqyn-Kókshetaý» komandalary ózara synǵa túsedi.

Eske sala keteıik, budan buryn «Býrevestnıktiń» qatarynan úshinshi ret jeńiske qol jetkizgenin jazǵan bolatynbyz.

Sondaı-aq voleıboldan Qazaqstan chempıonatynda «Jaıyq» aqtóbelikterden qarymta qaıyrdy.