Voleıboldan ÁCh: Qazaqstan jastary Argentınadan aılasyn asyrdy

ASTANA. KAZINFORM — Qytaıdyń Tszıanmen qalasynda voleıboldan 21 jasqa deıingiler arasynda ótip jatqan HHІІІ álem chempıonatynda Qazaqstan quramasy kezekti matchyn ótkizdi.

Bul joly Sergeı Trıkoz jattyqtyratyn jastar Argentına komandasymen synǵa tústi.

Keshe qazaqstandyqtar 9-16 oryndar úshin matchta 2:3 esebimen Bolgarııaǵa ese jiberse, Argentına dál sondaı tartysty básekede Japonııadan utylyp qalǵan edi (2:3). 

Qos komandanyń arasyndaǵy búgingi oıyn da sondaı tartysqa toly boldy. Áp degende Argentına alǵa shyqty — 28:26. Qazaqstan tarazy basyn teńestirdi — 25:21. Argentınalyqtar qaıtadan alǵa ketti — 25:18. Qazaqstandyqtar tórtinshi partııada 26:24 esebimen ese qaıyryp, sońǵy, sheshýshi sette jeńisti julyp aldy — 15:13.

Qorytyndy esep — 3:2, Qazaqstannyń paıdasynda. Qazaqstandyqtar endi 13-oryn úshin talasady.

Bıyl óz tarıhynda alǵash ret álem chempıonatyna qatysyp jatqan qazaqstandyq jastar úshinshi jeńisine qol jetkizdi. Budan buryn toptyq básekede Qazaqstan komandasy Pýerto-Rıko men Ońtústik Koreıany utqan edi. 

Eske sala keteıik, budan buryn voleıboldan álem chempıonatynda Qazaqstan jastar quramasynyń asa tartysty matchta Bolgarııaǵa ese jibergenin jazǵan edik.