Voleıbol: «Atyraý» klýby «Aqtóbeden» aılasyn asyrdy

ASTANA. KAZINFORM — Aqtóbe jáne Taldyqorǵan qalalarynda voleıboldan erlerdiń ulttyq lıga komandalary arasynda Qazaqstan chempıonatynyń tórtinshi kishi týry qorytyndylandy.

Aqtóbe qalasynda «A» tobynda sońǵy kezdesýde alań ıeleri men «Atyraý» alańǵa shyqty.

Sergeı Trıkoz jattyqtyratyn aqtóbelikter osyǵan deıin «Jaıyq» pen «Esildi» qapy qaldyrǵan edi. Al atyraýlyqtar «Esildi» jeńgenimen, oraldyqtarǵa ese jibergen bolatyn.

Bul joly Igor Nıkolchenkonyń shákirtteri tartysty matchta alań ıelerin tyqsyra bildi — 3:1 (25:22, 23:25, 26:24, 29:27).

Oraldyń «Jaıyǵy» SQO-nyń «Esilin» 3:0 (25:15, 26:24, 25:18) esebimen utty.

Taldyqorǵanda «Jetisý» (bas bapkeri Marat Adryshev) barlyq oıynyn jınaqy ótkizdi. Sońǵy básekede taldyqorǵandyqtar «Ushqyn-Kókshetaýdan» aılasyn asyrdy — 3:1 (25:23, 26:24, 21:25, 25:18).

Osylaısha, upaı sanyn 62-ge jetkizgen «Jetisý» burynǵysha jeke-dara kósh bastap keledi. «Aqtóbe» 55 upaımen ekinshi satyǵa jaıǵassa, «Jaıyq» pen «Atyraý» (50 upaıdan) úshinshi-tórtinshi oryndy bólisip tur.

Tórtinshi kishi týrdyń qorytyndysy boıynsha ár komandadan úzdik oıynshylar anyqtaldy.

Eske sala keteıik, budan buryn voleıboldan «Aqtóbeniń» óz alańynda «Jaıyqty» jeńgenin jazǵan edik.