Vladımır Pýtın Donald Tramppen telefon arqyly sóılesti

ASTANA. KAZINFORM — 9 naýryz keshinde Reseı jáne AQSh prezıdentteri telefon arqyly sóılesti, dep habarlaıdy TASS.

Reseı prezıdenti Vladımır Pýtın AQSh prezıdenti Donald Tramppen baılanysqa shyqty. Bul týraly jýrnalısterge Reseı prezıdentiniń halyqaralyq máseleler jónindegi kómekshisi ıÝrıı Ýshakov habarlady.

— Búgin keshke Reseı jáne AQSh prezıdentteri telefon arqyly sóılesti, — dedi Ýshakov.

Bul Pýtın men Tramp arasyndaǵy eki aıdan astam ýaqyttaǵy alǵashqy áńgime, sonymen qatar AQSh pen Izraıldiń Iranǵa shabýylynan keıingi alǵashqy baılanys ornatýy bolyp otyr.

Ýshakov sóılesýdi ashyq, isker jáne konstrýktıvti dep sıpattady. Reseı prezıdentiniń kómekshisi ıÝrıı Ýshakovtyń aıtýynsha, bul ádette reseılik jáne amerıkalyq kóshbasshylar arasyndaǵy dıalogtyń qalypty formaty.

Buǵan deıin AQSh Reseı men Ýkraına arasyndaǵy daǵdarysty sheshý úshin júrgizgen kelissózder jaqyn arada Zelenskıı men Pýtınniń jeke kezdesýlerine ákelýi múmkin dep habarlanǵan, dedi AQSh arnaıy elshisi Ýıtkoff. Kelissózderge Tramp ta qatysýy múmkin.