Vıza rejımin jeńildetý: Qazaqstan men EO kelissózdiń sheshýshi kezeńine jetti
ASTANA. KAZINFORM — QR Syrtqy ister mınıstri Ermek Kósherbaev Eýropaǵa vıza rejımin jeńildetý boıynsha kelissózde negizdi jumystar pysyqtalyp bolǵanyn aıtty.
— Eýropa odaǵymen vıza rejımin jeńildetý kelissózder toqtaǵan joq, ıaǵnı jalǵasyp keledi. Bizdińshe, jyl ishinde sońǵy kelisimge qol jetkizilýi múmkin. Atap aıtqanda, bul kelissóz boıynsha sheshýshi kezeńde turmyz, — dedi dedi Ermek Kósherbaev Parlament Májilisinde tilshiler suraǵyna jaýap bere otyryp.
Eske salsaq, 2025 jylǵy jeltoqsanda Brıýssel qalasynda Qazaqstan Respýblıkasy men Eýropa odaǵy arasyndaǵy vızalardy berý tártibin jeńildetý jáne readmıssııa týraly kelisimder boıynsha resmı kelissózderdiń birinshi raýndy ótti.
Kelissózder barysynda taraptar kelisimder jobalaryna qatysty mazmundy pikir almasyp, negizgi tásilder men basymdyqtardy aıqyndady.