Vıtse-premer Qaraǵandyda densaýlyq saqtaý salasy sandyq júıesiniń jumysyn tekserdi
Keshendik aqparattyq júıeni Astana qalasynda jasap shyǵarǵan. Búgingi tańda Qaraǵandy oblysy - júıe tolyqtaı jumys istep turǵan elimiz boıynsha jalǵyz aımaq. Ony 2016-shy jyly engize bastaǵan.
Osy jyldyń sońyna qaraı júıe densaýlyq saqtaý mekemeleriniń barlyǵynda jumys isteıtin bolady. Ol emdelýshiniń aýrý tarıhyn tolyqtaı baqylaýǵa múmkindik beredi: onyń ishinde elektrondy densaýlyq pasporty, sonymen qatar dárigerlerge qaralý málimetteri, olardyń bergen nusqaýlyqtary, ota jasaýlar men saraptama nátıjeleri jazylady.
KMAJ kómegimen belgili bir emhana men dárigerdiń jumys sapasyn qadaǵalaýǵa bolady, sondaı-aq jedel járdem qyzmeti, statsıonar jáne ýchaskelik dáriger sekildi barlyq ınstantsııalardyń sabaqtastyǵyn baqylaýǵa múmkindik bar.
Buǵan qosa, KMAJ jedel járdem dıspetcherleý júıesimen biriktirilgen. Ol jedel járdem brıgadasynyń naýqasqa kelip jetý jyldamdyǵyn, jasalǵan saraptamalar men ólshemderdiń, berilgen nusqaýlyqtardyń, aldyn ala dıagnoz jáne jedel medıtsınalyq kómekti qajet etetin adamdy qaı aýrýhanaǵa jatqyzǵany týraly málimetterdi qadaǵalaýǵa múmkindik beredi.
- Bul eki júıeni biriktirýdiń arqasynda bizdiń bensaýlyq saqtaý júıemiz qanshalyqty sapaly jumys isteıtinin kóre alamyz, - dedi sıtýatsııalyq kardıologııalyq ortalyqtyń uıymdastyrý jáne ádistemelik jumystar boıynsha menedjeri Názıra Basharova. - Biz naýqastyń barlyq aýrý tarıhyn baqylaı alamyz, ony qalaı emdegenin, qandaı em jazyp bergenin kóremiz. Osylaısha oblystaǵy barlyq adam týraly málimet alamyz. Bul málimetterdiń barlyǵyn sıtýatsııalyq ortalyqtar saraptaıdy. Bizdiń ortalyq júrek-qan tamyr dertterine shaldyqqan emdelýshilerdi baqylaıdy, mysaly, onkologııalyq, travmotologııalyq jáne basqa da sıtýatsııalyq ortalyqtar da bar. Saraptama málimetteriniń arqasynda biz qandaı kemshilikterimiz bar ekenin kóre alamyz. Jáne de olar neniń saldarynan paıda bolatynyn baıqaımyz. Mysaly, qajetti tehnıka bolmasa, nemese feldsherdiń biliktiligi tómen bolǵanyn kórýge bolady. Osylaısha, densaýlyq saqtaý basqarmasynda óz resýrstaryn birinshi kezekte qandaı salalarǵa baǵyttaý kerektigin biledi: feldsherlerge arnalǵan sheberlik-synyptar jáne semınarlar ótkizý nemese belgili bir mekemeni jabdyqtaý. 
Aıta ketý kerek, dıspetcherleý júıesin engizgeli oblystyq jedel járdem stantsııasy janar-jaǵarmaıdan 25 mln. teńge únemdegen. Bul marshrýttardy dál baǵyttaý jáne jedel járdem kólikteriniń qozǵalysyn baqylaý arqyly múmkin boldy.
- Biz osyndaı aqparattyq júıege birtindep barlyq aımaqtardy qosa bastaımyz, - dedi Lázat Aqtaeva. - Qaraǵandy oblysy bul rette anaǵurlym alǵa jyljyp otyr, munda densaýlyq saqtaý salasyn sandyq júıege aýystyrý deńgeıi 68 % teń. Sizderdiń tájirıbelerińizge súıene otyryp, bul kórsetkishterge basqa da oblystar talpynatyn bolady.
Birinshi kezekte bul júıe astanalyq sanavıatsııa ortalyǵy bazasynda iske qosylady.
Asqar Jumaǵalıev bul ıdeıany quptap, Qaraǵandy oblysynyń tájirıbesin basqa da aımaqtar mindetti túrde qoldaný kerektigin aıtty.
Qaraǵandyda Premer-mınıstr orynbasary búgin sonymen qatar sandyq júıege aýysý máseleleri boıynsha jınalys ótkizdi. Ol aqparattyq jáne baǵdarlamalyq qamatamasyz etý júıelerin qurastyrýshylardyń baıandamalaryn tyńdady, sondaı-aq jınalysqa kelgen mamandar men stýdentterdiń suraqtaryna jaýap berdi. 
- Elbasynyń qoldaýymen biz barlyq salalarda sandyq júıege aýysý ıdeıasyn jyljytatyn bolamyz, - dedi ol. - Men seriktestikke búkil Qaraǵandy oblysyn jáne áriptesterdi shaqyramyn. Bizde barlyǵy iske asatynyna senimdimin. Sebebi bul jerde ózekti saýaldar qoıatyn saýatty, bilikti mamandar óte kóp. Munyń barlyǵy isimiz ońǵa basatynyn kórsetedi.
Aıta keteıik, búgingi tańda qaraǵandy aımaǵyndaǵy sandyq júıe deńgeıi densaýlyq saqtaý salasynda - 65 % jáne bilim berý salasynda - 48% quraıdy. Ekinshi orynda qoǵamdyq tártipti qorǵaý oryndary - 20 %. Qoǵamdyq kólik jáne kommýnaldyq sharýashylyq salasyndaǵy sandyq júıe 10% dep baǵalanyp otyr.