Vıtse-premer astananyń bilim berý uıymdaryna bardy
E. Toǵjanov №65 mektepke japsarlastyra salynyp jatqan ǵımarat qurylysymen tanysty. Bul mekteptiń jobalyq qýaty bir aýysymda 1200 oryndy quraıdy, búginde 3 myńnan astam oqýshy oqıdy. Oryn sanyn arttyrý maqsatynda 1,2 myń oqýshyǵa arnalǵan qosymsha qurylys salynyp jatyr.
Sondaı-aq Premer-Mınıstrdiń orynbasary erekshe bilimdi qajet etetin balalarǵa arnalǵan №1 arnaıy mektep-ınternattyń jumysymen tanysty.
Aıta keteıik, Nur-Sultan qalasynda ınklıýzıvti oqytýdy qajet etetin 14 myńnan astam bala turady. 3 mamandandyrylǵan bilim berý uıymdarynyń bazasynda 1204 bala úshin oqytý uıymdastyrylǵan. №1 arnaıy mektep-ınternatta 520 bala oqıdy, 125 oryndyq ınternat bar.
№1 arnaıy mektep-ınternattyń qolda bar ınfraqurylymy kúndizgi/saǵattyq bolý sheńberinde qosymsha sabaqtar ótkizý úshin erekshe bilim berilýine qajettiligi bar balalar kontıngentin keńeıtýge múmkindik beredi. Bul múmkindik múgedek balalardy tárbıelep otyrǵan ata-analarǵa júktemeni azaıtýǵa yqpal etedi.
Sondaı-aq Eraly Toǵjanov elordanyń bilim berý uıymdary óz mysalynda múmkindigi shekteýli adamdardy oqytý men kásibı daıarlaýda kedergisiz ortanyń qalaı qurylatynyn kórsetýde úlgi bolýy tıis ekenin atap ótti.
«2021 jyly Memleket basshysy ınklıýzıvti bilim berý máseleleri boıynsha zańnamalyq ózgeristerge qol qoıdy. Dál osy zańnamalyq aktide bastapqy jáne bazalyq negizder qalanǵan. Jaýapty memlekettik organdardyń mindeti – zańnamalyq normalardyń múltiksiz oryndalýyn qamtamasyz etý», — dedi E. Toǵjanov.
Sapar sońynda vıtse-premer qaıta qurýdan keıin jaqynda ashylǵan Kóktal-2 turǵyn alabyndaǵy «Qorǵaljyn» saıabaǵyna bardy. Skverde balalar men eresekterdiń bos ýaqytyn ótkizýge arnalǵan alańdar, mádenı jáne qoǵamdyq is-sharalar ótkizýge arnalǵan aımaq, sport alańy bar. Munda shahmat pen ústel tennısine arnalǵan ústelder ornatylǵan.
Nysandy aralaý barysynda E. Toǵjanov Kóktal-2 turǵyn alabynyń turǵyndarymen kezdesý ótkizdi, onyń qorytyndysy boıynsha qala ákimdigine jáne múddeli memlekettik organdarǵa tıisti tapsyrmalar berildi.
Foto: primeminister.kz
