Vaıner Meıirjan Tórebaev úıine jiberildi: QAJD túsinikteme berdi

ALMATY. KAZINFORM - Pavlodar oblysy qylmystyq-atqarý júıesi departamenti sottalýshy Meıirjan Tórebaevtyń nege úıine jiberilgenin túsindirdi.

Pavlodar oblysy boıynsha QAJD baspasóz qyzmetiniń málimetinshe, №44 mekemede jazasyn ótep jatqan Meıirjan Tórebaevqa anasynyń aýrýyna baılanysty qysqa merzimdi demalys berildi.

«Qylmystyq-atqarý zańnamasyna sáıkes qaýipsizdigi eń tómen mekemelerde jazasyn óteýshiler mekemeniń ákimshiligine jeti táýlikten aspaıtyn merzimge onyń sheginen tys jerde júrýge qajetti ýaqytty eseptemegende, mekeme ákimshiligine júginýge quqyly»,-dep habarlady vedomstvodan. 

Buǵan deıin qarjy pıramıdasyn qurdy dep sottalǵan Meıirjan Tórebaevtyń áıeli Dana Eseeva áleýmettik jelide kúıeýi men balalarynyń vıdeosyn jarııalaǵan bolatyn. 

Aıta keteıik, byltyr maýsym aıynda Meıirjan Tórebaev Qylmystyq kodekstiń 217-bap boıynsha kináli dep tanylyp, sot úkimine sáıkes, eń tómengi qaýipsizdik kolonııasynda bes jyl bas bostandyǵynan aıyrý jazasyna kesilgen bolatyn. 

Osy jyldyń basynda vaınerler Meıirjan Tórebaev pen Meıirhan Shernııazov sotqa appelıatsııalyq shaǵym túsirdi.

Alaıda apellıatsııalyq sot vaınerlerge qatysty úkimdi ózgerissiz qaldyrdy.