Vashıngtondaǵy QR elshiliginde qazaq jastary nekesin qıdy

VAShINGTON. QazAqparat - Qazaqstannyń Vashıngtondaǵy elshiliginde Amerıkada bilim alyp júrgen qazaqstandyq jastar Qýat Abraý men Meıirgúl Qaleshova qazaqtyń dástúrimen neke qıdy, dep habarlaıdy QazAqparat Syrtqy ister mınıstrliginiń baspasóz qyzmetine silteme jasap.

«Jas otaý ıeleri - «Bolashaq» baǵdarlamasynyń stıpendıanttary. Olar qazir Boston ýnıversıtetiniń magıstratýrasynda oqyp júr. Ekeýi Nur-Sultan qalasynda «Bolashaq» halyqaralyq baǵdarlamasyna qatysý úshin qujat jınap júrgende tanysqan» delingen habarlamada.

Erli-zaıyptylarǵa neke kýáligin elshiliktiń konsýldyq bóliminiń jetekshisi Almaz Sadyrov tabys etti.