Vaktsınatsııa júkti áıelder úshin qaýipti emes – dáriger

ALMATY. QazAqparat - «Komırnatı» (Pfizer, AQSh) mRNK-vaktsınasy júkti áıelder úshin qaýipti emes. Bul týraly brıfıng barysynda Almaty qalasy qoǵamdyq densaýlyq basqarma basshysynyń orynbasary Svetlana Sultanǵazıeva aıtty, dep habarlaıdy QazAqparat tilshisi.

Spıkerdiń sózinshe, álemniń 20-dan astam eli jańadan bosanǵan áıelderge ekpe salýdy bastady.

«Júkti áıelder de ekpe alýy kerek. Eýropada júkti áıelderdi vaktsınatsııalaý boıynsha kóptegen klınıkalyq zertteýler júrgizildi jáne Reseıde zerttedi. Bizde koronavırýs ınfektsııanyń aıasynda júktilik kezinde ártúrli jaǵymsyz saldar men asqynýlarǵa ushyraǵan áıelderdiń belgili bir sany bar ekenin kórip otyrmyz. Sondyqtan, klınıkalyq zertteýlerge súıene otyryp, 16 aptadan 38 aptaǵa deıingi aralyqta vaktsınatsııalaýdy usynamyz. Vaktsınanyń birinshi jáne ekinshi komponentterimen. Vaktsınatsııa júkti áıelder úshin qaýipti emes», - dedi Almaty qalalyq qoǵamdyq densaýlyq saqtaý basqarmasy basshysynyń orynbasary Svetlana Sultanǵazıeva.
Sonymen qatar, ol ekpeden keıin ana men balada ımmýnıtet qalyptasyp, aýrý qaýpi tómendeıtinin atap ótti.